Monday, December 10, 2012

Crazy Hair သမီး ၊ Crazy Hair မေမေ

မိဘများသည် သားသမီးများကို အလွန်အလိုလိုက်ကြ၏။ ဘာကြောင့် အလိုလိုက်လဲ မေးသော် ချစ်လို့၊ သူတို့ ပျော်နေတာ ကောင်းစားတာကို မြင်ချင်၍ဖြစ်သည်။ သူတို့လေးတွေ ပြုံးနေ ပျော်နေသည်ကို  ကြည့်ပြီး ပီတိဖြစ်ကာ ထိုပီတိကို စားသုံးကြလေသည်။ တစ်ဦးတည်း မွေးထားသော မိဘတွေက ပိုဆိုးသည်။ ဘယ်အရာမဆို အရာရာ တစ်ဥတည်းသော သားသမီးအပေါ်တွင်သာ ပုံပေးကြတော့သည်။

အန်တီဆွိတွင် အသိလင်မယား၂ယောက်ရှိသည်။ သမီးလေးတစ်ယောက်မွေးထားရာ အသက် ၅နှစ်ခန့် ရှိပြီ။ ခလေးက စကားကလဲတတ် နေပုံထိုင်ပုံလေးကလဲ ချစ်ဖို့ကောင်းသည်။ ဘေးလူတွေတောင် ချစ်ရတာ အဖေအမေဖို့ရာကား ဆိုဖွယ်ရာမရှိ။ အဖေ့အသည်းစွဲ သမီးလေး။ မိဘတွေက ၂ယောက်လုံး အလုပ်လုပ်ရာ ငွေကြေးတတ်နိူင်တော့ သမီးလေးကို လိုလေသေးမရှိ ဖူးဖူးမှုတ်ထားသည်။

ဟိုတစ်လောကပဲ သူတို့ အိမ်ဝယ်ကြတော့ ကြိုက်တဲ့နေရာ အပျံစား၊ အညွန့်စားအိမ် ၀ယ်နိူင်ပါလျက်နှင့် သမီးအတွက်ဦးစားပေးကာ နယူးဆောက်ဝေးက ကျောင်းအကောင်းဆုံးဆိုသည့်နားမှာ ရွေးဝယ်လိုက်တော့ အိမ်က ဈေးကြီးလဲပေးရသေး စုတ်လဲ စုတ်လှသည်ဆိုသည်။ ထိုအိမ်ကို ပြင်နေရာ အိမ်ဝယ်ပြီး ၃-၄လကြာသည်အထိ အိမ်ထဲမှာ ပစ္စည်းပစ္စတွေက ရှုပ်ပွ၊ နေရထိုင်ရတာအဆင်မပြေ အတော်ဒုက္ခရောက်ရသည်ဆိုသည်။ မနေ့ကတွေ့ကြတော့ အမျိုးသမီးလုပ်သူက ညည်းသည်။ အစ်မရယ် သူတို့ကြီးရင်တော့ ဘာဖြစ်မယ်မသိဘူး။ အိမ်ကပြင်နေတော့ နေရတာ ဒုက္ခရောက်လိုက်တာ။ အိမ်ကလဲ စုတ်လိုက်တာဆို သားသမီးအတွက် ဦးစားပေးဝယ်မိသော အိမ်အတွက် ဒုက္ခရောက်ရသော အမေကညည်းသည်။

ဟိုနေ့ကလည်း ဘုန်းကြီးကျောင်းတွင် စကားစမြည်ပြောကြရင်း သားတစ်ဦးတည်းမွေးထားသော အမေမှ ရင်ဖွင့်သည်။ အသက်ကြီးမှ မိဘ၂ပါး ကုန်းရုန်းလုပ်ကာ သားဖြစ်သူကို ကျောင်းထားသည်။ ကျောင်းမှ ရိုးရိုးကျောင်းမဟုတ် အော်ဇီတွင် အင်မတန် ဈေးကြီးသော လူတိုင်းမတက်နိူင်သော ပရိုက်ဗိတ်ကျောင်းတွင်ထားသည်တဲ့။ သားလေးတစ်ယောက် ရိုးရိုးပတ်ဗလစ်ကျောင်းမှာထားလျှင် လူမျိုးခြားတွေကြား အနိူင်ကျင့်ခံရမည်ဆိုးသည်၊ သားဖြစ်သူကို သူများထက် ထူးချွန်ပေါက်မြောက်စေချင်သည်။  နောက်တော့ မိဘများက စေတနာထားကာ  ပရိုက်ဗိတ်ကျောင်းထားခါမှ အပေါင်းအသင်းမှားကာ ပျက်စီး၊ မိဘတွေကိုလည်း နင်ပဲငဆ ပြန်လှန်ပြောကာ ဒုက္ခရောက်ရပုံကို မျက်ရည်တ၀ဲဝဲနှင့် ပြောပြနေသည်။

အန်တီဆွိတို့ အိမ်မှာရော ဘာထူးသနည်း။ တစ်ဦးတည်းသော သမီးလေး ဂျူဂျူအတွက် မိဘများမှာ လိုလေသေးမရှိ ပံ့ပိုးနေရသည်။ မိဘများမှာ သူတို့ တစ်ဝမ်းတစ်ခါးအတွက် မစားရက်၊ မသောက်ရက် နှမြောချင် နှမြောမည်။ သမီးလေးအတွက်ဆို story စာအုပ် တစ်အုပ် အစိတ် ၃၀ဆိုလည်း မနှမြော၊ ပီယာနိူ ၂၀၀၀ ဆိုလဲ မနှမြော ကျူရှင်လခ တစ်လ ၃၀၀ဆိုလည်း မနှမြော လိုလေသေးမရှိ ထားသည်သာဖြစ်သည်။ ကျောင်းမှာဆိုလည်း ကျောင်းက ဘာပွဲ၊ ညာပွဲ ဆို မလွတ်စေရ။ တတ်နိူင်သမျှ ပြည့်စုံအောင် မျက်နှာမငယ်ရအောင် ပြင်ဆင်ပေးလိုက်သည်ချည်းဖြစ်သည်။ အထူးသဖြင့် အမေကြီးမှာ သမီးအတွက် အပင်ပမ်းခံလွန်းသည်။ အစားအသောက်ဆိုလဲ သမီးစားချင်ရာ ကြံကြံဖန်ဖန်တွေကို အိမ်မှာ ရက်စ်တောရန့်ဖွင့်ထားသလို အမျိုးမျိးအဖုံဖုံ ချက်ပြုတ်ပေးသေးသည်။

ဟိုးလွန်ခဲ့တဲ့ ၂လလောက်ကတည်းက သမီးက ပူဆာနေသည်။ သူ့အတွက် မွေးနေ့ပွဲ လုပ်ပေးဦးမှာလားပေါ့။ အမှန်တကယ်အားဖြင့်တော့ တီတီဆွိမှာ သမီးအတွက် မွေးနေ့ပွဲ လုပ်ပေးလေ့ မရှိပါ။ စလုံးမှာနေတုံးကဆို သူအသက် ၇နှစ်အတွင်း ၂ခါသာ မွေးနေ့ပွဲ လုပ်ပေးဖူးသည်။ တီတီဆွိသည် အင်မတန် အားနာတတ်သည်ဖြစ်ရာ ခလေးအတွက် လူတွေ လက်ဆောင်ပေး၊ ဘာပေး ငွေကြေးကုန်ကျများ၊ အလုပ်ရှုပ်မှာ စိုးရိန်၍ ဖြစ်သည်။ ခုတော့ သမီးက ပူဆာလာတော့ အော် သူလဲ သူများမွေးနေ့ပွဲတွေ သွားနေရတာ သူ့ကိုယ်ပိုင်မွေးနေ့ပွဲလေးတော့လဲ လုပ်ချင်မှာပေါ့ဆို လုပ်ပေးမယ်ဟု ကတိပေးမိသည်။

ပြီးခဲ့သည့်အပတ်က တစ်ပတ်လုံး အိမ်မှာ မွေးနေ့ပါတီ ကျင်းပဖို့ အတွက် အလုပ်ရှုပ်နေကြသည်။ လူသက်သာအောင် အကျွေးအမွေးအတွက် ကြာဆံကြော်နှင့် ဘာဘီကျူး ရယ်ဒီမိတ်တွေဝယ်ကာ လုပ်မည်ဟု စီစဉ်ထားသည်။ ဘာဘီကျူးမီးဖို တစ်လုံးဝယ်လိုက်ရသည်။ ပစ္စည်းပစ္စယတွေ ရေးမှတ်တွက်ချက်ကာ စီစဉ်ရင်း အမေကြီးက ၀က်သားတုတ်ထိုး ကလည်းထည့်ချင်သေးသည်။ ဟင်းအရည် သောက်စရာမပါဆိုကာ တုန့်ယန်းဟင်းချိုကလည်း ချက်လိုက်သေးသည်။

မနေ့ညကပဲ တစ်ပတ်လုံး အမေကြီး တစ်ယောက်တည်း တကုတ်ကုတ် စီမံထားသော မွေးနေ့ပွဲက အောင်မြင်စွာပြီးစီးသွားသည်။ ခလေးတွေ အလွန်ပျော်ကြသည်။ မိဘတွေလဲ ကာရာအိုကေတွေဆိုကာ အိုကေနေကြသည်။ ညဖက် ဧည့်သည်တွေ ပြန်ကြတော့ လက်ဆောင်ထုပ်တွေဖောက်ကြရင်း သမီးကပြောသည်။ မေမေ မနက်ဖြန်ကျောင်းမှာ ဒစ်စကို ကပွဲရှိတာ ပြောထားတာနော်။ အဲဒါ မနက်ကျရင် crazy  hair လုပ်ပေးဦးနော်တဲ့။ သူပြောမှ သတိရသွားသည်။ ဒီကကျောင်းတွေက ဒီဇင်ဘာဆို စာသိပ်မသင်တော့။ အဲလို ကျောင်းကပွဲတွေ ပျော်ပွဲရွှင်ပွဲတွေနှင့် ခလေးတွေမှာ အလွန်ပျော်သည်။ ခု ဒစ်စကို ကိစ္စကလဲ ပြောနေတာ ကြာပြီ။ ဒစ်စကို မှာ ၀တ်ဖို့ ဖလူရိုရိုက် (fluoride) ဖြစ်တဲ့ အကျီဝယ်ပေးဆိုကာ တစ်ပတ်လုံး ပူဆာနေသည်။ သူ့ဆံပင်ကိုလဲ crazy hair ဖြစ်အောင် လုပ်ပေးပါဟုလည်း တဖွဖွပြောနေသည်။

မွေးနေ့ပွဲက ပင်ပမ်းနေတော့ လူကအိပ်ချင်နေပြီ။ မနက်ကျ သမီးဆံပင်ကို ပြင်ဆင်ဖို့အတွက် ခါတိုင်းထက် တစ်နာရီစောပြီး နာရီအလန်းမ် ပေးထားလိုက်သည်။ မနက် နာရီ နှိုးစက်သံက ကကျစ် ကကျစ်မြည်တော့ လူက မလန်း၊  ဆက်အိပ်ချင်နေသေးသည်။ ၁၅မိနစ်လောက်နှပ်နေပြီး အော် သမီးအတွက် crazy hair လုပ်ပေးရမှာ နောက်ကျနေဦးမယ်ဆိုကာ ကမန်းကတမ်းထသည်။ သွားတိုက်၊ မျက်နှာသစ်ပြီး ခါတိုင်းလို မျက်ခုံးမွှေးတောင် မဆွဲအား၊ ဆံပင်တောင် မဖီးအား ဘုရားပန်းရေလဲ၊ ဆွမ်းတော်ပြင်ဆင်၊ ယောက်ျားထမင်းချိုင့်၊ သမီး ထမင်းဘူးပြင်ဆင်၊ ညက ကျန်တဲ့ ဆေးကြောစရာတွေ ဆေးကြောပြီးတော့ နာရီက သမီးနှိုးဖို့အချိန်ရောက်နေပြီ။

" သမီးရေ ... ထတော့ဟေ့ ... သမီး ဒီနေ့ ခရေဇီ ဟဲ လုပ်ရဦးမှာ ...ထတော့ ထတော့ .." ဆိုတော့ သမီးကအိပ်ရာထဲက ချက်ချင်းဘယ်တော့မှမထ။ လူကို ဖက်၊ ယူကျူ့က သီချင်းတွေလို၊ ဟာသတွေလို ကြည့်ပြီးမှ အိပ်ရာကထတတ်သည်။ ပြီးတော့ မျက်နှာသစ်၊ အကျီလဲ ဘရိတ်ဖတ်စ် စားနေတုံး သူ့ရဲ့ crazy hair ကို စပြင်ရတော့သည်။ ဘယ်လိုပြင်ပေးရင်ကောင်းမလဲ ဂူဂဲထဲ ရှာရသေးသည်။  သမီးဟာ ကျောင်းက မှာတာတွေ ကျောင်းက activity တွေကို တစ်သွေမသိမ်း လိုက်နာလေ့ လိုက်လုပ်လေ့ ရှိရာ သူ့ဆံပင်ကို အစွမ်းကုန် crazy hair ဖြစ်စေချင်နေသည်။ အဲနေ့မတိုင်မီကတည်းက သူ့ဆံပင်တွေကို လက်နှင့်ကိုင်၊ မှန်ကိုကြည့်၊ အမေကို အမျိုးမျိုးလုပ်ပြကာ ခရေးဇီးဟဲ ဖြစ်လားဟု မေးနေတတ်သည်။

နောက်ဆုံး အမေကြီးမှာ အကြံရသွားတော့ အကြံအတိုင်း သူ့ဆံပင်ကို ကြိုးတွေနဲ့ လိမ်ကာ ပတ်ကာ အစမ်းလုပ်ကြည့်လိုက် ပြန်ဖြည်လိုက် စိတ်ကြိုက်မတွေ့လိုက်နှင့် နောက်ဆုံးတော့  ဂျူဂျူနေ့တိုင်းပြောနေတဲ့  crazy hair ဖြစ်သွားပါသည်။ ဘေး၂ဖက်က ဆံပင်တွေကို  ကြိုးနဲ့ရစ် အ၀ိုင်းလေးလုပ် အပေါ်မှာ ပြန်ချည်လိုက်တော့ ခေါင်းပေါ်မှာ crown လိုလေး ဖြစ်သွားသည်။ နောက်က ဆံပင်တွေကိုလဲ ကြိုးနဲ့ရစ်ပြီး မြွေတစ်ကောင်လို ပုံစံဖြစ်အောင် ဖန်တီးပေးလိုက်သည်။ ဂျူဂျူကလဲ မှန်တကြည့်ကြည့်နှင့်် သူ့ ခရေဇီဟဲကို သဘောကျနေသည်။ ခရေဇီးဟဲ ကိစ္စပြီးတော့ သမီးလဲ မနက်စာစားပြီးပြီ။ နာရီကြည့်တော့ ၉နာရီထိုးပြီ။ သမီးရေ သွားကြရအောင်ဆိုကာ ရေဗူးထဲ့၊ လွယ်အိပ်ထဲ လိုတာတွေစစ်၊ သမီးအကျီ ဖိနပ် အဆင်ပြေရဲ့လားစစ်ပြီး  ကျောင်းလိုက်ပို့လိုက်သည်။ 

ကားပေါ်ကျ ဂျူဂျူလေးက သူ့ crazy hair ကို ကိုင်ကြည့်ပြီး အရမ်း ခရေဇီဖြစ်နေလား မသိဘူးဆိုပြောနေသည်။ ကဲ ဒီလောက် ခရေဇီဖြစ်ချင်တာ သမီးမျက်နှာမငယ်စေရအောင် ပြင်ဆင်ပေးလိုက်သော အမေကြီးမှာ  ကျောင်းလာသူ ခလေးများကို အကဲခပ်နေသည်။ ပြီးတော့ ဘယ်သူမှ သမီးလောက် ခရေဇီ မဖြစ်ဘူး ဆိုကာတွေးနေသေးသည်။ ကားရပ်တော့ အားလားမား သူ့ရှေ့က ဆင်းသွားတဲ့ အဖြူ ညီအစ်ကိုကတော့ ဆံပင်တွေကို ရောင်စုံ စပရေးတွေ ဖြန်းထားတာ တစ်ခြမ်းက အစိမ်း တစ်ခြမ်းက အပြာ ၊ အ၀ါ ၊ အနီရောင်စုံဆိုတော့ ကြက်တူရွေးတွေလား ထင်ရတာကို ကြည့်ပြီး ပြုံးမိသည်။ ဂျူးဂျူးကတော့ ရှက်ကိုး ရှက်ကန်း သူ့ရဲ့ crown လို ထောင်နေတဲ့ ဆံပင်ကို လက်နဲ့ အုပ်ထားတာ လှမ်းမြင်လိုက်သည်။ သမီးရဲ့ ခရေးဇီးဟဲကတော့ သူ့သူငယ်ချင်းတွေကြားမှာ ရေပန်းစားမှာပဲဆိုကာ အမေကြီးမှာ ပီတိတွေဖြစ်နေသည်။

အိမ်ပြန်ရောက်တော့ အမေကြီးမှာ ညကကျန်တာတွေ ဆက်သိမ်းရပြန်သည်။ ပစ္စည်းအချို့ ရှုပ်ပွနေတာတွေ အကုန်ကောက်သိမ်းပြီး အခန်းထဲ ၀င်ထည့်ရာ အခန်းထဲမှ ဘီရိုအပြည့်တပ်ထားသော ကိုယ်လုံးပေါ်မှန်ရှေ့ အရောက် သူ့ပုံရိပ်ကို သူမြင်ပြီး လန့်သွားလေသည်။  မနက်ကတည်းက သမီး ခရေဇီဟဲ ဖြစ်ဖို့ အရေး လုံးပမ်းနေရတော့ သူ့ဆံပင်များ ဘယ်ပုံပေါက်နေသည်ကို ဂရုမစိုက်နိူင်အား။ ကျောင်းသွားခါနီး ဆံပင်ဖီးဖို့ရာပင် မေ့နေသည်။ မဖီး မသင်ရသေးတဲ့ ဆံပင်များက ညက ဖိအိပ်မိလို့လားမသိ ပုံမှန်ထက် ပွသရောင်း ရှုပ်ပွနေရာ သမီးလိုပင် ပြင်ဆင်စရာမလို တကယ့်ကို Crazy hair ဖြစ်နေလေတော့သတည်း။   ။



Sunday, December 9, 2012

ကမ္ဘာပျက်မဲ့နေ့ ...


အန်တီဆွိဟာ လေယာဉ်ပျံစီးရမှာ သိပ်ကြောက်တတ်တယ်။ ဖိုးဗီးယားလားမေးရင်တော့ အဲသလောက်တော့ မဆိုးဘူးထင်တာပဲ။ ဘယ်က စ ကြောက်တာလဲ မေးရင်တော့ လူဆိုတာ ကိုယ့် အသက်လေးကိုယ် ခင်တွယ်တတ်တော့ သေမှာ ကြောက်တာက စတယ်ပဲပြောရမယ်။ ကောင်းကင်ပေါ်မှာ ဒီလောက်လေယာဉ်ပျံ အလေးကြီး ပျံနေတာကိုက သိပ်ကို လေးလွန်းအားကြီးတယ်။ အချိန်မရွေး ပျက်ကျနိူင်တယ်။ လေယာဉ်ပျံပေါ်မှာ အသက်နဲ့ကိုယ် ဖက်နဲ့ ထုပ်ထားရတယ်လို့ အမြဲတွေးတယ်။ ဒါကြောင့် ခရီးသွားရတယ် ဘာညာဆို လေယာဉ်ခရီးဆို အမြဲရှောင်တယ်။ ဖြစ်နိူင်ရင် ကားနဲ့ ရထားနဲ့ သာသွားချင်တယ်။ ဒါပေမဲ့ လောကမှာ မလွှဲမရှောင်သာ ကိစ္စလေးတွေ ရှိမြဲ မဟုတ်လား။ ဥပမာ  တစ်နှစ်ခြားတစ်ခါလောက် မြန်မာပြည် အလည်ပြန်တာမျိုးဆိုရင်တော့ လေယာဉ်က မစီးမဖြစ် စီးရတယ်။

လေယာဉ်ပေါ်ရောက်ပြီ ဆိုရင်လည်း အရင်က ဒိုင်ယာဇီပင်လေးတွေ ဆောင်ထားတတ်တော့ အဲဒီဆေးလေးသောက်တယ်။ နောက်ပိုင်းတော့ စင်္ကာပူမှာ ဒိုင်ယာဇီပင်က မလွယ်တော့ ဘာမီတွန်ပေါ့။ အိပ်တဲ့ဆေး ရရာ တစ်လုံး ရေနဲ့ မျှောချထားလိုက်တယ်။ ဒါမှ လေယာဉ် ခရီးစဉ်တစ်လျှောက် အိပ် လိုက်သွားတော့ ဘာမှမသိတော့ အေးရောဆိုပြီး။ ပြီးတော့ လေယာဉ် စ တက်ပြီဆိုတာနဲ့  တတ်သမျှ၊ မှတ်သမျှ ဘုရားစာ အကုန်ရွတ်တော့တာပဲ။ လေယာဉ် အပေါ်တက်သွားလို့ အမြင့်ရောက်သွားတာနဲ့အမျှ အန်တီဆွိရဲ့ ဘုရားစာရွတ်သံကလည်း လေယာဉ်စက်သံကြားမှာ ပိုကျယ်၊ ပိုမြန်လာတတ်တယ်။ သမီးပါရင်တော့ သမီးကို အတက်မှာ ရေသောက်ဖို့၊ တံတွေးမြိုချဖို့ ဘုရားစာရွတ်ရင်းနဲ့ သတိပေးရသေးတယ်။ ဦးခြိမ့်ကတော့ သေလဲ အတူတူပဲ ဘာကြောက်စရာရှိလဲပေါ့ဆို အားပေးတယ်။ အကြောက်လွန်နေတဲ့  ဒေါ်ခင်မို့မို့ဆွိကြီးက " သေ အတူတူဆိုလဲ သေခါနီး ကျုပ်ဝေဒနာတွေ တော် ခံပေးမှာလားတော့ ... " ဆို အငေါ်ပြန်တူးတတ်သေးတယ်။

တစ်ခါသား လေယာဉ်တောင်ပံဘေးက ပြတင်းပေါက်နားမှာ နေရာရတယ်။ အိပ်မပျော်တော့  လေယာဉ်ပြတင်းပေါက်ကနေ တောင်တောင်အီအီငေးနေရင်းကနေ  တောင်ပံတွေကို တွဲထားတဲ့ rivet တွေဆီ မျက်လုံးက ရောက်သွားတယ်။ rivet လေးတွေနဲ့ တွဲထားတဲ့ လေယာဉ်ပျံတောင်ပံဟာ လေတိုးတိုင်း လှုပ်လီ လှုပ်လှဲ့ ရှိလှတယ်။ ကိုယ်တိုင်က မက်ကယ်နီကယ် အင်ဂျင်နီယာဆိုတော့ ရုံးမှာ နေ့စဉ် အဲလို rivet တွေ၊ screw တွေ၊  fastener  တွေနဲ့ အလုပ်လုပ်နေရတယ်။ အဲဒါတွေရဲ့ stress တွေ၊ strength တွေ၊ ကျိုးပြတ်တာတွေကို စမ်းသပ် လေ့လာနေရတာဆိုတော့ ဟမ်မလေး မတော်လို့ အဲဒီ rivet တွေထဲက တစ်ခုခုသာ လေယာဉ်ပျံတောင်ပံ လေအရိုက်မှာ ကျိုးပြတ်ခဲ့သည်ရှိသော်ဆိုပြီး ... ဆက်မကြည့်ရဲတော့ပဲ မျက်လုံးကို ဇွတ်မှိတ် ဘုရားစာသာ တတွတ်တွတ်ရွတ်တော့တယ်။ ဒါတောင် လေယာဉ်ပျံဆင်းခါနီး ဘေးက သူရဲံကောင်းကြီး ကိုကိုခြိမ့်က တို့တွေ ၅တန်း(5th year)တုံးက သင်ခဲ့ရတဲ့ turbulence flow ထကြည့်ပါဦးဆိုလို့ ကြောက်ကြောက်နဲ့ ကြည့်ခဲ့ရသေးတယ်။ လေယာဉ် ပန်ကာနားကထွက်တဲ့ air flow ရေခိုးရေငွေ့လို အခိုးလေးတွေဟာ လှိုင်းတွန့်လေးတွေလို ရှည်မျောမျော လေးတွေ ပြေးနေတာကို အတိုင်းသား မြင်နေရင်းနဲ့လဲ ဘာကိုကြောက်မှန်းမသိကြောက်နေပြန်တယ်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx


 ဟိုတစ်လောက အော်ဇီက ၀န်ကြီးချုပ် ဂျူလီယာဂေးလတ်က "The end of the world is coming"

 ဆိုပြီး အူကြောင်ကြောင်နဲ့ ထ ပြောတာကို တီဗီ သတင်းတွေမှာ ကြ့်လိုက်ရတယ်။ သူကတော့ ဘာသဘောနဲ့ ပြောတယ်မသိ။ ကိုယ့်မှာတော့ သူလို အမျိုးသမီး ၀န်ကြီးချုပ်တစ်ယောက်ကနေ ပြောတာဆိုတော့ နားကအလိုလို စိုက်မိရက်သားဖြစ်နေတယ်။ တကယ်ပဲ ကမ္ဘာ ပျက်တော့မှလားပေါ့။  ၂၀၁၂ မှာ ကမ္ဘာပျက်မယ်ဆို ပြောထားတာ လွန်ခဲ့တဲ့ ၂နှစ်လောက်ကပဲ ဘလော့ဂ်တွေမှာ ၀ိုင်းတက်ဂ်ကြလို့ ရေးလိုက်ရသေးတယ် မဟုတ်လား။ ဟုတ်သော်ရှိ၊ မဟုတ်သော်ရှိ သေမှာကြောက်တတ်တဲ့သူဆိုတော့ စိတ်ထဲ နဲနဲပါးပါး ကြောက်စိတ်ကလေးကတော့ ရှိနေတာပါပဲ။ အဲ့တုံးကဆို အင်တာနက်ထဲ  " 2012 world end " ဆိုပြီး ဇစ်ဇစ်မြစ်မြစ်တွေထိ လိုက်ရှာဖတ်တာ နေ့စဉ်ရက်ဆက် တစ်ပတ်လုံးနီးပါးပဲ။ ဒီအယူအဆ ဘယ်ကလာသလဲ၊ ဘယ်လောက်သေချာလဲ။ ဘာကြောင့် ဒီလို ကောက်ချက်ချရလဲ၊ အစုံပဲ။ မနှစ်ကလဲ အဖိုးကြီးတစ်ယောက်က ၂၀၁၁ ဘယ်နေ့အတိအကျ ကမ္ဘာပျက်မယ်ဆို ပြောထားတာ၊ အင်တာနက်သတင်းတွေမှာဆို ပွနေတာပဲ။ တကယ်တမ်း အဲဒီနေ့လဲရောက်ရော ဘာမှလဲမဖြစ်တော့ လူတွေမှာ ဟာသကြီးကိုဖြစ်လို့။ နောက်နေ့ သူ့အိမ်ရှေ့ သတင်းထောက်တွေ ၀ိုင်းနေတော့ သူကထွက်လာပြီး သူတွက်တာမှားသွားပါတယ်ဆို  ပြန်ဝန်ချတောင်းပန်တာတွေ ဖတ်ရတော့ ဟယ် လူတွေက ဒီလိုတွေပဲ ပေါက်ကရ လျှောက်ပြောနေကြတာ မဟုတ်လောက်ပါဘူးပေါ့ဆို စိတ်အေးသွားပြန်ရော။

ဒီကြားထဲ ဟိုတစ်နေ့ကပဲ တီဗွီကနေ "2012 " ဆိုပြီး ကမ္ဘာပျက်တာကို ရိုက်ထားတဲ့ ရုပ်ရှင်လာတယ်။ အန်တီဆွိက ဒရမ်မာတို့ ဟာသကားတို့သာ ကြိုက်တာ။ အဲလို လူကို stress များစေတဲ့ကားတွေ မကြိုက်တတ်ပေမဲ့ ဟိုတီဗီကြိုက်တဲ့သားအဖနား ထိုင်မိတော့ မကြည့်ချင်ပဲလဲ မြင်နေရတယ်။ အမ်မယ် ရုပ်ရှင်ထဲမှာ ကမ္ဘာပျက်တော့ ဇာတ်လိုက်မိသားစုက လေယာဉ်ပျံကြီးနဲ့ ပြေးကြတာဗျ။ နောက်မှာ ကမ္ဘာမြေကြီးက ငလျှင်တွေလှုပ်၊ မြေတွေပြို၊ ရေတွေကြီးနဲ့ကျန်ခဲ့တာကို သဲထိပ်ရင်ဖိုပဲ ရိုက်ထားတာ။ နောက်ဆုံး တရုတ်မှာဆိုလား ကမ္ဘာ မပျက်တဲ့ နေရာလေးတစ်နေရာကို ပြေးကြတာတဲ့။ ကြည့်ပြီး မေ့မေ့ပျောက်ပျောက်ပါပဲ။

 တိုက်တိုက်ဆိုင်ဆိုင် အဲ့ကားပြပြီးလို့ မကြာခင်မှာပဲ ဆစ်ဒ်နီနားက ကမ်းခြေတွေမှာ ရေတွေ အနီရောင် ပြောင်းကုန်တယ်။ ဂျပန်မှာ မြေငလျှင်တွေ လှုပ်တယ်၊ ဆူနာမီ warning ဆို ဖေ့စ်ဘွတ်မှာ စတေးတပ်စ်တွေ တက်လာတော့ အောက်က ကွန့်မန့်တွေကလဲ ကြောက်စရာ။ ကမ္ဘာတကယ်ပဲ ပျက်တော့မှာလား။ နီးနေပြီ ကမ္ဘာပျက်ဖို့။ ကမ္ဘာပျက်ဖို့ ဘယ်နှစ်ရက်အလို ... ဆို ကွန့်မန့်တွေက ပွထနေတယ်။ ကြောက်တတ်တဲ့သူက ကြောက်မြဲပဲဆိုတော့ အော် သူတို့ပြောတဲ့ ကမ္ဘာပျက်မဲ့ရက်က နီးလာပြီပေါ့ ... ။ ဒီဇင်ဘာ ၂၁ရက်နေ့ တဲ့ လေ  ....

 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ကမ္ဘာပျက်မယ်ဆိုပြီး ထိုင်တွေးနေ၊ ငေးနေလို့လဲမရ လူ့ပြည် လူ့ဘ၀ လူ့ဌာနမယ် နေ့စဉ်လုပ်နေကျ routing လေးတွေက ရှိနေသေးတော့ အိမ်မှာ လုပ်စရာရှိတာတွေ လုပ်နေရမြဲ။ ဒါ့အပြင် မြန်မာပြည်ပြန်ဖို့ရက်က နီးလာတော့  အလုပ်တွေ ရှုပ်နေတယ်။ လက်ဆောင်တွေဝယ်၊ လပ်ဂေ့ခ်ျတွေ ထုပ်ပိုး၊ ဒီကြားထဲ သမီးမွေးနေ့ပွဲအတွက် အိမ်ရှင်း၊ ဈေးဝယ် ချက်ပြုတ် ပြင်ဆင်နဲ့ ရှုပ်ယှက်ခတ်နေတယ်။ တစ်ရက်တစ်ရက် နားရတယ်မရှိ၊ အိမ်အလုပ်တစ်ဖက် ရုံးအလုပ်တစ်ဖက်နဲ့ ဘလော့ဂ်လေးတောင် နပ်မှန်အောင် မနဲရေးနေရတယ် အရပ်ကတို့ရေ။


ဒီလိုနဲ့ အလုပ်ရှုပ်တဲ့ တစ်ရက် ညနေပိုင်း နားချိန်လေးပေါ့။ အိမ်ရှေ့မှာ တီဗီကြည့်ကြရင်း ကမ္ဘာပျက်မဲ့ အကြောင်းပြောရင်း မြန်မာပြည်ပြန်မဲ့အကြောင်း စကားက စပ်သွားတယ်။ အန်တီဆွိမှာ အမှတ်သညာ ဥာဏ်က အင်မတန်နဲတော့ ဘယ်နေ့ မြန်မာပြည်ပြန်မှာလဲ အတိအကျ မသိဘူး။ ဒီဇင်ဘာ၂၃ ရန်ကုန်ရောက်မယ်ဆိုတာပဲ သိတာ။ အမေတို့နဲ့ ဖုန်းဆက်ရင် အမေ သမီးတို့တော့ ၂၃ ရက်နေ့ ရောက်မယ်ဆို အမြဲပြောဖြစ်နေတာကိုး။ ကြားထဲ ထရန်စစ်က ရှိနေသေးတော့ ညအိပ်ရမှာတွေရော ဘာတွေရော ပြန်မဲ့ရက်ကို  သေချာမသိဘူးရယ်။

ဒါနဲ့ စကားစပ်ကြတော့ အန်တီဆွိက

 " တော့ ကမောင်ခြိမ့် ... ဒါနဲ့ ကျုပ်တို့ မြန်မာပြည် ပြန်မှာ ဘယ်နေ့တုံးတော့ ... "

ဆိုတော့ သူက စိတ်ကြည်နေချိန်ဆို ထုံးစံအတိုင်း လေအေးအေးနဲ့ ...

" ၂၁ ရက်နေ့လေ  အမေကလည်း ... မလေးရှားကို ၂၂ရက်နေ့ ထရန်စစ်ပါဆို ပြောထားသားနဲ့ ... "

  ၂၁ ရက်နေ့ နေ့ နေ နေ့ နေ့ ....  ဆိုတာဟာ ငယ်ငယ်က ကက်ဆက်ဇာတ်လမ်းတွေထဲကလို အန်တီဆွိရဲ့နားမှာ ပဲ့တင်ထပ်သွားတယ်။ ဘုရား ဘုရား ကမ္ဘာပျက်မဲ့ နေ့ကြီးပါကလား ...


 အဲသမှာ  သေမှာ ကြောက်တတ်တဲ့ ဒေါ်ခင်မို့မို့ဆွိကြီးက သူအင်မတန်ကြောက်တဲ့  လေယာဉ်ပျံကြီးကို ကမ္ဘာပျက်မဲ့ နေ့ကြီးမှာ စီးရမှာဆိုတော့

"ဟမ်မလေး ကမောင်ခြိမ့်ရယ် ... တော် ကျုပ်ကို ရက်စက်လှချည်လား ... ကမ္ဘာပျက်မဲ့ နေ့မှာ လေယာဉ်ပျံစီးခိုင်းရတယ်လို့ပဲ။  ရက်စက်လိုက်တာ ကိုမောင်ခြိမ့်ရယ် ... ဘယ်လို သဘောနဲ့များ အဲဒီနေ့တည့်တည့်ကိုမှ ရွေးဝယ်လိုက်ရသလဲတော့ .. "  


ဆိုတော့ ဦးမောင်ခြိမ့်က တစ်ချက်စဉ်းစားလိုက်ပြီး ၀မ်းသာအားရ ပြန်ပြောလိုက်တာက ...

" ဒီမယ် ဆွိလေးရဲ့ လေယာဉ်ပျံပေါ်ရှိနေတာမှ ကောင်းတာဟ ... ညည်း ဟိုကားမကြည့်ဖူးဘူးလား။ ကမ္ဘာပျက်တော့ လေယာဉ်ပျံကို မရမက စီးပြီးတောင် ထွက်ပြေးကြရတာလေ။ တို့က အဲဒီနေ့ ကျ ဘေးကင်းရန်ကင်း လေယာဉ်ပေါ်မှာရောက်နေပြီ ... ကမ္ဘာက တို့နောက်မှာ ပျက်ကျန်နေခဲ့မှာ  ... ညည်းဒါတောင် မစဉ်းစားမိဘူးလား ...  ဘယ်လောက်ကောင်းလိုက်တဲ့ အစီအစဉ်လဲ ... "တဲ့

သူပြောမှပဲ ကိုယ့်မှာ တဟားဟားနဲ့ ရယ်လိုက်ရတာ။ အဟုတ်ကောင်းတဲ့ အစီအစဉ်ပဲ ...   လေယာဉ်ကြောက်တဲ့ သူတောင် မကြောက်တော့ဘူး ဗျာတို့ရေ ...။ အဲဒီနေ့ကျ ဒို့တွေက လေယဉ်ပေါ်မှာ ဘေးကင်း ... ရန်ကင်း ....   ... ;)))



Wednesday, December 5, 2012

တို့အိမ်က အလွဲများ ...

 ဂျူဂျူနဲ့ အိုဘားမား
ဟိုတစ်လောက ကျောင်းတွေ ရက်ရှည်ပိတ်တော့ အိမ်မှာ ဂျူဂျူလေးကို မြန်မာစာသင်ပေးနေတာ။ သမီးက ဥာဏ်ကောင်းလို့လားတော့မသိ။ ကျောင်းပိတ်တဲ့ ၃ပတ်လောက်အတွင်း စာတော်တော်တက်သဗျ။ သူငယ်တန်း သင်ပုန်းကြီး မြန်မာစာအုပ်အတိုင်း သင်တာမှာ "အဲ - အယ်-့ အယ် " အထိတောင် ရောက်နေပြီ။ ခု ကျောင်းတွေပြန်ဖွင့်တော့ တစ်ပတ်ကို တစ်နာရီလောက်ပဲ သင်ရတော့ စာက သိပ်မတက်တော့ဘူး။ သင်ပြီးတာတွေ မမေ့အောင် နွှေးပေးရုံလောက်ပဲ လုပ်ပေးနိူင်တော့တယ်။ နောက်တစ်ခါ ကျောင်းရက်ရှည်ပိတ်ရင်တော့ သေချာပြန်လုပ်ပေးရဦးမယ်။

အဲဒါ တစ်နေ့က မြန်မာစာ သင်ပြီးသမျှတွေ ပြန်နွှေးပေးနေရင်းနဲ့ သတ်ပုံခေါ်တာပေါ့။ သတ်ပုံခေါ်နေရင်းနဲ့ သူ့အမေကြီးက ဖေ့စ်ဘွတ်ခ်ကို ကြည့်နေတော့ အိုဘားမား မြန်မာပြည်လာတဲ့ အကြောင်း အန်တီစုနဲ့တွေ့တဲ့ အကြောင်းတွေ ဖေ့စ်ဘွတ်ပေါ် တက်လာတာ။ အဲဒါကို ဂျူဂျူလေးကလဲ သူ့ရဲ့ မတောက်တစ်ခေါက် မြန်မာစာနဲ့ လိုက်ဖတ်နေတော့ သမီးလဲ ရေးလို့ရတာပဲဆို သူ့ကို သတ်ပုံရေးခိုင်းလိုက်တာ။ အိုဘားမားရယ် ၊ ဒေါ်စုရယ်။

သူ့အမေကြီးကလဲ ဖေ့စ်ဘွတ်ပဲ စိတ်ကရောက်နေ၊ ညဖက် မျက်လုံးကလဲ မကောင်းတာနဲ့ သမီးရေးပြီးတာ အမှတ်တမဲ့ပဲ ဖတ်လိုက်ပြီး " ဟယ် ငါ့သမီးလေးက တော်လိုက်တာ ... အိုဘားမား တောင်ရေးတတ်နေပြီတော့ ...  မြန်မာစာတော်တော်တတ်နေပြီပဲ.."  ဆို ချီးမွန်းနေတာ။ ဒီလိုပဲ ခလေးတွေ မြှောက်ပေးပြီး ချော့မော့သင်ရတာ။

မနက်မိုးလင်း အိပ်ရာထတော့ အိမ်ရှေ့စားပွဲပေါ် စာရွက်တွေ ပွနေတာနဲ့ ရှင်းရင်း  ညက ဂျူဂျူ ရေးထားတဲ့ သတ်ပုံစာရွက်လေး ထွက်လာတာနဲ့ အမှတ်တမဲ့ ဖတ်ကြည့်လိုက်တာ။

အလိုလေး ... မယ်မင်းကြီးမက ရေးထားတာ "အိုဘားမား" ကို ... "အူဘားမား" တဲ့ဗျား ... သူုနဲ့ကျမှပဲ အိုဘားမားလဲ အူတူတူလိုလို "အူဘားမား" ဖြစ်ရတယ်လို့ တွေးပြီး ရယ်လိုက်ရတာ။

ဒါနဲ့ ဂျူဂျူနိုးလာတော့ သမီးရေ ... ညက သမီးရေးထားတာ အိုဘားမားကို သတ်ပုံမှားနေတယ်နော် ... ပြန်ဖတ်ဦး ... ဆိုတော့ ဂျူဂျူလေးမှာ သူ့အဖေလိုပဲ ညက်မှောင်ကြီးတောင် ရှုံ့ပြီး ပြန်ဖတ်နေတာ။ နောက်ပြီး ဘယ်လိုပေါင်းရမှာလဲ မေးတယ်။ "အ လုံးတင် တစ်ချောင်းငင် အို " ဆိုတော့ ဂျူဂျူ ညက်မှောင်က ပိုကျုံ့သွားတယ်။ ပြီးမှ မေမေကလဲ "အို"  မှ မသင်ရသေးတာ ဂျူဂျူ ဘယ်သိမှာလဲတဲ့။ အဲဒီကျမှ သူ့အမေကြီးကလဲ သင်တာ "  အို့ ... အို ... အိုး " ထိ မရောက်သေးတာ သိတော့တယ်။ အစဉ်အတိုင်းဆို အသတ်တွေမလာခင်  " အို " က နောက်ဆုံးမှာ ကိုးးးး။

 အ အိ အု အေ အဲ အော အံ အို ... လေ။

ဂျူဂျူတို့ကတော့ ရှိတာနဲ့ ရအောင် ပေါင်းလိုက်တာပဲ။ အိုဘားမားတောင် အူဘားမားဖြစ်အောင် ...
----------------------------------------------------------------------------------------------------------


ပုဆိုးတလွှားလွှား ကမောင်ခြိမ့်
ဟိုတစ်လောက ခလေးတွေ ကျောင်းပိတ်ရက် ဒီကသူငယ်ချင်းတွေစုပြီး ပစ်ကနစ်သွားကြတယ်။
Bobbin Head တဲ့။ အိမ်ကနေ ကားနာရီဝက်လောက်ပဲ မောင်းရတာပါ။ ပစ်ကနစ်ဆိုတော့ စားစရာ သောက်စရာတွေက စုံလှတယ်။ မုန့်ဟင်းခါး၊ ဒန်ပေါက်၊ ၀က်သားသုတ်၊ လဖက်သုတ်၊ စပါကာတီး ထမင်းတွေ ဟင်းတွေရော အစုံပဲ။ လှေစီးကြ၊ တောထဲ လျှောက်ကြ၊ ဓာတ်ပုံတွေရိုက်ကြနဲ့ ပျော်စရာကြီးပေါ့။ ညနေပြန်တော့ သူငယ်ချင်း အသိတစ်ယောက်ဆိုင် ၀င်ကြပြီး သူ့ဆိုင်မှာပဲ ပစ်ကနစ်ကပါလာတာတွေ စားသောက်ပြီး ပြန်ကြတာ။ အားလုံးစားသောက် ဗိုက်ကားပြီး အိမ်ပြန်တော့ ည၈နာရီ အတော်မိုးချုပ်ပြီပေါ့။

 အိမ်ရောက်တော့ ဦးခြိမ့်တစ်ယောက် ဗိုက်ထဲက ရစ်သလိုလို၊ ဗိုက်ပဲ နာချင်သလိုလို ဆို ပြောနေတာ။ အစားစုံလို့နဲ့ တူပါရဲ့ဆို ပြန်ပြာလိုက်ေး။ ကိုယ်လည်းပြန်ရောက်တော့ ပင်ပန်းရတဲ့ကြားထဲ သူ့လဲ ဂရုမစိုက်နိူင်။ ပစ္စည်းတွေ သိမ်းဆည်းပြီး  တီဗီရှေ့သွားထိုင်။ ပြီးတော့ ဂျူဂျူလေးကို သိပ်၊ အိပ်ငိုက်လာတော့ ကွန်ပြူတာလေးဖွင့်  အွန်လိုင်းတက်နေတာ။ ဦးခြိမ့်ကတော့ အသံကို မကြားတော့ဘူး။ သူ့အခန်းထဲဝင်သွားတာ။

 မနက်မိုးလင်းတော့ တနင်္ဂနွေမနက်ဆိုတော့ ဦးခြိမ့်တို့ ထုံးစံ အစောကြီးထပြီး ချွတ်ချွတ် .. ချွတ်ချွတ်နဲ့ အ၀တ်တွေလှမ်းလိုက်၊ တံမျက်စည်းပဲလှည်းသလိုလို၊ ဟိုလုပ်ဒီလုပ်ပေါ့။ ကိုယ်လဲ အိပ်ရာက ထလာရော သူ့ကိုကြည့်ရတာ တစ်မျိုးပဲ ထူးဆန်းသလိုလို ရှိလှတယ်ထင်နေတာ။ ဘယ်ဟုတ်မလဲ မောင်မင်းကြီးသားက ဆစ်ဒနီ စပရင်း ဒီလောက် ချမ်းချမ်းစီးင်္စီးကြီးမှာ ပုဆိုး တလွှားလွှားနဲ့ ဟိုဖက်ဒီဖက် လုးလားခတ်နေတော့ အမြင်ဆန်းနေတာပေါ့။ ဆစ်ဒနီက spring ရောက်တာတောင် မနက်ခင်း ရာသီဥတုက ၁၄-၁၅ ဒီဂရီလောက်ရှိနေသေးတော့ ဘောင်းဘီရှည်ထူထူတွေ ၀တ်နေရတုံးပါ။ တစ်ဆောင်းတွင်းလုံး ဘောင်းဘီရှည်ထူထူတွေနဲ့ မြင်နေရာကနေ ရုတ်တရက် ပုဆိုးတလွှားလွှား ဆ်ိုတော့ မျက်စိထဲ ဆန်းနေတာပေါ့။

ဒါနဲ့ အန်တီဆွိက
"တော့ ကမောင်ခြိမ့် ...  တော့်နဲ့တော် ဒီလောက် မနက် အေးအေးချမ်းချမ်းကြီး ဘယ့်နှာကြောင့် ပုဆိုး တလွှားလွှားနဲ့ ဖြစ်နေရသတုံးတော့ ..." ဆိုတော့ သူ့ဟာသူ အောက်ငုံ့ကြည့်ပြီး ဘာပြောတယ် ထင်သတုံး အရပ်ကတို့ရေ ...

" ကိုယ် ၀မ်းတွေ သွားနေလို့ကွ ... အဲဒါ လွယ်အောင် ပုဆိုးလေး ပေါ့ပေါ့ပါးပါး ၀တ်ထားလိုက်တာ ... အရေးအကြောင်းဆို အဲသလို မ ...  ထိုင်လိုက်ရုံပဲ .." တဲ့ဆို ပုဆိုးလေးကိုင်ပြီး ပုံစံတောင်လုပ်ပြနေလို့ အန်တီဆွိမှာ ရယ်လိုက်ရတာ ...

 ဖြစ်ရလေတော် ကမောင်ခြိမ့်ရယ် လို့ပဲ ပြောနိူုင်တော့တယ် ။



  

 


Wednesday, November 28, 2012

အန်တီစု အကြောင်း documentary - The Choice

စောနလေးတင်ပဲ အော်ဇီ တီဗီချယ်နယ် SBS 3 ကနေ အန်တီစုအကြောင်း ရိုက်ထားတဲ့ documentary လေး ပြတာ ကြည့်လိုက်ရတယ်။ အန်တီစုရဲ့ ဘ၀ တစ်စိတ်တစ်ဒေသ၊ ကိုယ်မသိတဲ့ အကြောင်းအရာတွေ အများင်္ကြီးပါတယ်။ အန်တီစု သူ့သားနဲ့တွေ့တဲ့ အခန်းကတော့ အရင်က တီဗီတွေမှာ သတင်းအနေနဲ့ ကြည့်ဖူးခဲ့ပေမဲ့ ဒီတစ်ခါကြည့်ရတာ မျက်ရည်ဝဲမိတယ်။ အမေတစ်ယောက် အတွက် ကိုယ်ချင်းစာစိတ်၊ သားတစ်ယောက်အတွက် ကိုယ်ချင်းစာစိတ်တွေနဲ့ ၀မ်းသာ ၀မ်းနဲပေါ့။

BBC က ရိုက်ထားတဲ့ တစ်နာရီင်္စာ documentary ဖြစ်ပါတယ်။  " The Choice " တဲ့။


Friday, November 23, 2012

သမ္မတဦးသိန်းစိန်၏ ၁၉ နိုဝင်ဘာ တစ်နေ့တာနှင့် ကျွန်တော့်အမြင်

( ကိုမောင်ခြိမ့် မြန်မာကျူုးပစ်ဖိုရမ်တွင် သတင်းဖတ်ပြီး မြန်မာနိူင်ငံရေး ဆွေးနွေးထားသော ပို့စ်လေး ပြန်ရှယ်ပေးလိုက်ပါသည်။)

သမ္မတအိုဘားမားနှင့်တွေ့ဆုံမှု

မြန်မာသမ္မတဦးသိန်းစိန်သည် ၁၉ နိုဝင်ဘာလ နံနက် ၁၁ နာရီခန့်တွင် မိနစ် ၃၀ခန့်ကြာ အမေရိကန်သမ္မတဖြင့် နှစ်နိုင်ငံအရေးကိစ္စများ ဆွေးနွေးသည်။ အမေရိကန်သမ္မတ၏ အရှိန်အ၀ါကြီးမှု၊ အနောက်နိုင်ငံများ၏ သြဇာသက်ရောက်မှု (အနောက်ကြောက်ရောဂါ) ၊ အာရှ နှင့် အနောက်နိုင်ငံများ၏ ရင်းနှီးကွာခြားမှုကြောင့် သမ္မတဦးသိန်းစိန်နှင့် အိုဘားမားတို့ တွေ့ဆုံမှုမှာ ထင်ထားသလောက်ထက် ရင်နှီးမှု အားနည်းခဲ့ရပါသည်။

 သို့သော်လည်း ပြုပြင်ပြောင်းလဲရေး လမ်းကြောင်းကို လျှောက်လှမ်းလာသော ဦးသိန်းစိန်အား အိုဘားမား လာရောက်အားပေးသည် ဖြစ်သည့်အလျောက် ဦးသိန်းစိန်မှ နိုင်ငံတော်တိုးတက်ရေး၊ ဒီမိုကရေစီ စံနှုန်းမြင့်မားရေး၊ ကျန်းမာရေးနှင့် ပညာအရည်အသွေး မြင့်မားရေးအတွက် အမေရိကနဲ့ ဆက်လက်ပူးပေါင်းသွားမည်ဖြစ်ကြောင်း Move forward ဆောင်ပုဒ်ကဲသို့ လုပ်ဆောင်မည်ဟု ကတိပေးကာ၊ သမ္မတ အိုဘားမားမှ လူအခွင့်အရေးများကို ပိုမိုတိုးတက်လုပ်ကိုင်ပြီး နှူကလီးယားလက်နက်များ ပိုင်ဆိုင်ရန်ကြိုးပမ်းခြင်းမျိုး မလုပ်ရန် ပြောကြားကာ အမေရိကမှ ဆက်လက်ပူးပေါင်းသွားမည်ဟု ပြောကြားသွားပါသည်။

 ယခုလို အိုဘားမား မြန်မာပြည်လာရောက်သောကြောင့် ကမ္ဘာနိုင်ငံရေးသမိုင်းထဲတွင် မြန်မာနိုင်ငံကို လူပိုသိလာခဲ့ပါသည်။ ပိုပြီးတော့လဲ ဂရုထားမိကြသည်။ အိုဘားမားကိုယ်တိုင် မြန်မာနိုင်ငံလာသည်ဖြစ်သောကြောင့် ရင်းနှီးမြုပ်နှံလိုသော တခြားနိုင်ငံများ လာရောက်နိုင်ပါသည်။ အလွန်ကောင်းသော အချက်ဟု မျှော်လင့်ရပါသည်။ အနှစ်နှစ်အလလက ကြားနေ၀ါဒလိုလို၊ တရုတ်၏ ပြည်နယ်တခုလိုလိုနေရသော အချိန်ကာလမှ ယခုအခါ မြန်မာနိုင်ငံသည် နိုင်ငံရေး စီးပွားရေး အချက်အခြာအဖြစ် ရပ်တည်လာရမည်ဖြစ်သောကြောင့် တိုးတက်လာမည့် အရိပ်အယောင်များကို မှုန်ပြပြတွေ့လာရပြီဖြစ်ပါသည်။ ပြည်သူများအနေဖြင့် တရုတ်နိုင်ငံ၏ ဗဟိုချုပ်ကိုင်မှုကိုသာ အဓိကထားဆက်ဆံကာ ပြည်သူလူထုအတွက် မငဲ့ကွက်သော စီးပွားရင်းနှီးမြုပ်နှံမှုများ၊ အဆွေအမျိုး အသိုင်းအ၀ိုင်းကိုသာ အားပေးအားမြောက်လုပ်မှုများကို နှစ်ပေါင်းများစွာ ရွံ့ရှာစက်ဆုပ်လာသောကြောင့် အနောက်လွှမ်းသော အနောက်မှ လာရောက်မည့် ရင်းနှီးမြုပ်နှံမှုများနှင့် မျှတစွာ လုပ်ကိုင်မှုများ မျှော်လင့်သည့် စိတ်ဓာတ်ကြောင့် တမူထူးခြားလာမည်ဟု မျှော်လင့်ရပါသည်။


ထို်င်းဝန်ကြီးချုပ် ယင်လတ်

 အိုဘားမားနှင့်တွေ့ဆုံပြီးလျင်ပြီးချင်း သမ္မတ ဦးသိန်းစိန်မှာ ချက်ခြင်းဆိုသလို ဖနွမ်းပင် အာဆီယံ အာရှ အစည်းအဝေးသို့ ပြန်သွားကာ ထိုင်းဝန်ကြီးချုပ် ယင်လတ်နှင့် ညနေ ၃း၄၅ နာရီတွင် တွေ့ဆုံပါသည်။ ထိုကဲ့သို့ တွေ့ဆုံရာတွင် ၀န်ကြီးချုပ်ယင်လတ်နှင့် ယခင်က နှစ်ကြိမ်တွေ့ဆုံဖူးသည့် အချက်နှင့် အာရှနိုင်ငံသား အထူးသဖြင့် အိမ်နီးချင်း ထိုင်းနိုင်ငံဖြစ်သည်အတွက်ကြောင့် နှစ်နိုင်ငံခေါင်းဆောင်တွေ့ဆုံမှုမှာ အလွန်အင်မတန်ရင်းနှီးဟန်ပြသပြီး ပိုမိုနွေးထွေးမှုကို ဖြစ်ပေါ်စေခဲ့ပါသည်။

အဓိကဆွေးနွေးမှုများမှာ ထားဝယ်ရေနက်ဆိပ်ကမ်း တည်ဆောက်ရေးနှင့် ဆက်စပ်သော စက်မှုဇုန်၊ လျှပ်စစ်ဓါတ်အားစက်ရုံ၊ ရေပေးဝေရေး၊ စွန့်ပစ်ပစ္စည်းစနစ် တည်ဆောက်ရေး ဆက်သွယ်ရေးနှင့် ရထားပို့ဆောင်ရေး ကိစ္စများကို ကော်မတီများဖွဲ့ကာ ၂၀၁၅တွင် အပြီးတည်ဆောက်ရန် တိုင်ပင်ကြကာ နှစ်နိုင်ငံသဘောတူညီမှုများကို ပြုလုပ်နိုင်ခဲ့သည်။ နှစ်နိုင်ငံခေါင်းဆောင်များ တနိုင်ငံနှင့်တနိုင်ငံ လည်ပတ်မှုများအတွက် ဖိတ်ကြားမှုများ ပြုလုပ်ခဲ့ပါသည်။

ထိုင်းနိုင်ငံဝန်ကြီးချုပ်နှင့် နာရီဝက်ခန့်ကြာတွေ့ဆုံသော်လည်း နွေးထွေးမှု ကြိုတင်ညှိနှိုင်းမှူများ၊ ငြိမ်ချမ်းလာသော နယ်စပ်ဒေသ အခြေအနေများကြောင့် ထိုင်းနှင့် ဆက်ဆံရေးများ ပိုမိုကောင်းမွန်လာသည်။ နှစ်နိုင်ငံကြား နှစ်ပေါင်းများစွာ တည်ရှိသော နယ်စပ်ဒေသ ကုန်သွယ်မှုများ ယခင်ထက် ပိုမို အားကောင်းလာမည်ဟု မျှော်လင့်ရပါသည်။ တရုတ်ထွက်ကုန်များထက် ပိုမိုအရေအသွေးကောင်းမွန်သော ထိုင်းထွက်ကုန်များ ၀င်ရောက်လာပါက အကျိုးဖြစ်ထွန်းလာနိုင်ပါသည်။ ပြည်သူများအတွက် ထားဝယ်ဒေသ အလုပ်အကိုင်များ တိုးပွားလာမည်ဖြစ်သည်ဟု ခန့်မှန်းမိပါသည်။

ဂျပန်ဝန်ကြီးချုပ် ဟိုရှီဟီကိုနိုဒို

ထိုင်းဝန်ကြီးချုပ်နှင့်တွေ့ဆုံပြီးသော သမ္မတ ဦးသိန်းစိန်သည် ဆက်လက်ပြီး ညနေ ၄း၂၀ နာရီခန့်တွင် ဂျပန်ဝန်ကြီးချုပ်နှင့် ဆက်လက်တွေ့ဆုံဆွေးနွေးခဲ့ပါသည်။ ထိုင်းဝန်ကြီးချုပ်နှင့်တွေဆုံစဉ်ကဲ့သို့ မရင်းနှီးသော်လည်း နှစ်ပေါင်းများစွာ ဆက်ဆံလာသော အာရှနိုင်ငံသားဖြစ်သည့် ဂျပန်ဝန်ကြီးချုပ်နှင့်တွေ့ဆုံမှုမှာ ရင်းနှီးဟန်အပြည့်ဖြင့် ခိုင်မာသော ဆက်ဆံမှုများကို ပြသသည် သဘောတရားများကို တွေ့ခဲ့ရပါသည်။

ဂျပန်နှင့်တွေ့ဆုံမှုမှာ မြန်မာနိုင်ငံအတွက် အလွန်အင်မတန် အကျိုးရှိလှပါသည်။ တွေ့တွေ့ချင်း မြန်မာနိုင်ငံတွင် တင်ရှိနေသော ကြွေးမြီများကိုလျော့ချပေးမည့်အကြောင်း၊ ငလျင်လှုပ်သည်ကြားသောကြောင့် စိတ်မကောင်းဖြစ်မိကြောင်း၊ မြန်မာနိုင်ငံတွင် အခက်အခဲများဖြစ်လာပါက ကူညီပေးသွားမည်ဖြစ်ကြောင်း အရှေ့တောင်အာရှ အားကစားပွဲအတွက် လိုအပ်သော တည်ဆောက်ရေး ဆက်သွယ်ရေး ကိစ္စများကို ကူညီသွားမည်ဟု ဂျပန်ဝန်ကြီးချုပ်မှ ပြောကြာသွားသည်။ အလွန်အင်မတန်ကို အားရမိလိုက်ပါသည်။ ထိုအပြင် သီလ၀ါ စက်မှုဇုန်ဆောက်လုပ်ရန်နှင့် ထိုင်းနှင့် ပြုလုပ်မည့် ထားဝယ်ရေနက်စီမံကိန်း၏ အဓိက ရင်းနှီးမြုပ်နှံမည့် ဂျပန်နိုင်ငံဖြစ်သည့်အတွက်ကြောင့် နှစ်နိုင်ငံခေါင်းဆောင်များ ဆွေးနွေးကြပါသည်။

ဂျပန်နှင့် တွေ့ဆုံမှုမှာ မြန်မာနိုင်ငံအတွက် အထူးပင်အကျိုးများလှပါသည်။ လိုအပ်သည် နည်းပညာများအတွက် ဂျပန်သို့ ခေါ်ယူသင်ကြားပေမည်။ လိုအပ်သည် အခြေခံအဆောက်အအုံအတွက် ဂျပန်မှာ ကူညီ ဆောက်လုပ်ပေးမည်၊ ကျွန်တော်တို့မြန်မာနိုင်ငံအတွက် အလွန်အင်မတန်အကျိုးရှိလှသော အစည်းအဝေးတစ်ခု ဖြစ်ခဲ့ပါသည်။ လက်တွေ့အားဖြင့် မြန်မာနိုင်ငံအတွင်းတွင် ဂျပန်လူမျိုးများ ခြေချင်းလိမ်ကာ လာရောက်လုပ်ကိုင်ဆောင်ရွက်နေသည်ကို လက်တွေ့တွေ့နိူင်ပါသည်။

တရုတ်ဝန်ကြီးချုပ်ဝမ်ကြားပေါင်

ထိုအစည်းအဝေးမှာ နှစ်နိုင်ငံတည်း သီးသန့်တွေ့ဆုံသည်မဟုတ်ပဲ အာဆီယံခေါင်းဆောင်များနှင့် တရုတ်နိုင်ငံဝန်ကြီးချုပ်တွေ့ဆုံပွဲ ဖြစ်သောကြောင့် သာမန် အစည်းအဝေးတစ်ခုသာ ဖြစ်သည်ဟု ဆိုလို့ရပါသည်။ ထိုအစည်းအဝေးတွင် သမ္မတ ဦးသိန်းစိန်မှ ၁၉၉၇ ခုနှစ်ကတည်းက အာဆီယံ-တရုတ်ဆက်ဆံရေး ဆက်လက်တိုးမြင့်လုပ်ဆောင်သွားမည်ဖြစ်ကြောင်း။ အနာဂါတ် တရုတ်မျိုးဆက်နှင့် ပြည်သူလူထု အကျိုးကို ကျေးဇူးပြုမည်ဖြစ်ကြောင်း၊ ဒေသတွင် တည်ငြိမ်ရေးကိုလည်း ပိုမိုဂရုစိုက်လာဖို့ လိုအပ်ကြောင်း (တရုတ်က အာဆီယံ ကျွန်းတွေ လိုက်လုနေတာကို) ။ တရုတ်ကုန်စည်ပြပွဲမှာ သမ္မတဦးသိန်းစိန်က ပြောခဲ့သလို နှစ်နိုင်ငံ Win-Win Situation ဖြစ်အောင် ဆက်လက်လုပ်ကိုင်ပါမည်အကြောင်း ထပ်မံပြောဆိုသွားပါသည်။

သမ္မတတစ်နေ့တာ အစည်းအဝေး နိဂုံး

မနက်ခင်းတွင် အမေရိကန်နှင့် တွေ့ကာ ညနေခင်းတွင် တရုတ်နှင့် အဆုံးသတ်သွားသည့် သမ္မတဦးသိန်းစိန် ၏ အစည်းအဝေးများတွင် ထိုင်းနှင့် ဂျပန်တွေ့ဆုံမှုသည် အလွန်အင်မတန် အောင်မြင်ခဲ့ပါသည်။ ထိုအတူ အမေရိကနှင့် ဆက်လက်ကာ အတူတကွ ဆက်ဆံရေးများ ဆက်လုပ်နေပြီး တရုတ်ကြီးနှင့် အနည်းငယ် ခပ်တန်းတန်း အခြေအနေများကို မြင်လိုက်ရပါသည်။

သမ္မတဦးသိန်းစိန်သည် သမ္မတ တက်ရောက်ချိန်မှ ယနေ့အထိ ဆက်တိုက် စဉ်ဆက်မပြတ်ဆိုသလို နိုင်ငံ၏ စီးပွားရေး စိမံကိန်းများကို တိုးတက်ရန် လုပ်ဆောင်ခြင်း၊ တဆစ်ချိုး စီးပွားရေးစနစ်တခုကို ဖန်တီးခြင်း၊ လိုအပ်သည် နည်းပညာများရရှိရန် ဖန်တီးခြင်းတို့ကို ပြုလုပ်နေသည်မှာ ထင်ရှားပါသည်။ ထိုအတူ နိုင်ငံတကာ ဆက်ဆံရေးအရ နိုဝင်ဘာလ ၁၉ရက်နေ့သည် မြန်မာနိုင်ငံ၏ အရေးပါသော နိုင်ငံတကာ ဆက်ဆံရေးနေ့အဖြစ် တည်ရှိမည် ဖြစ်ပါသည်။

တိုင်းရင်းသားအရေး

တိုင်းရင်းသားများ အရေးတွင် ကျွန်တော်အမြင်ကို ဆိုရလျင် ကချင်နှင့် ဖြစ်ပွားနေသော တိုက်ပွဲများမှာ သာမန် ကချင်တိုင်းရင်းသားများနှင့် ဗမာတပ်မတော်တိုက်ပွဲများဟု မမြင်မိပါ။ လောဘဇောတိုက်နေသော လက်တဆုတ်စာ ကချင်ခေါင်းဆောင်များ၊ နောက်ကွယ်က ဒေသတွင်း ငြိမ်းချမ်းမှု မရှိအောင် နိုင်ငံတကာ စာမျက်နှာတွင် မြန်မာနိုင်ငံကို မျက်နှာပျက်အောင် ဖန်တီးနေသော တရုတ်၏ ကချင်လက်တဆုတ်စာ လူများကို သွေးထိုးနေသည်ဟု မြင်မိပါသည်။ ကျွန်တော်သိထားသလောက် ကချင်များ လက်ရှိထောင်ထားသော မြေမြုပ်ဗုံးများကို ရှေ့တန်းစစ်မျက်နှာမှ တပ်သားများ အလွန်အင်မတန် ကြောက်ရွံ့စွာ ရင်ဆိုင်နေရပါသည်။ ထိုဒေသသို့သွားရောက်သော သတင်းထောက်တစ်ယောက်၏ တိုးတိုးတိတ်တိတ်သတင်းများမှ သိရပါသည်။ ထိုအပြင် ယမန်နေ့ က အိုဘားမာလာချိန်နှင့် အချိန်ကိုက်စွာ ကချင်ဖက်မှာ ထိုးစစ်ဆင်တိုက်ခိုက်လာသည်ကို တွေ့ရပါသည်။ ထိုကြောင့် ကချင်နှင့် ငြိမ်းချမ်းမှုမှာ ၂၀၁၃ တွင် ဆက်လက် တည်ရှိနေဦးမည်ဟု ခန့်မှန်းမိပါသည်။

ရခိုင် ရိုဟင်ဂျာ ဘင်္ဂလီအရေးအခင်းကိုလည်း သာမန် ရခိုင်ဒေသခံလူမျိုးများနှင့် ဘင်္ဂါလီတို့ အတူတကွ နေထိုင်မှု ပျက်ယွင်းခဲ့သည်မှာ ကျောက်ဖြူဆိပ်ကမ်း၊ တရုတ်ပိုက်လိုင်း ကိစ္စရပ်များနှင့် ဆက်စပ်တည်ရှိနေမည်ဟု သံသယဖြစ်မိပါသည်။ ထိုအရေးမှာ နေ့ချင်းဖြေရှင်းရနိုင်မည်မဟုတ်ပဲ ရေရှည်ဖြေရှင်းကာ ကျောက်ဖြူစီမံကိန်းကို ဆက်လက် စောင့်ကြည့်ရပါတော့မည်။

ပြည်တွင်း နိုင်ငံရေး

ပြည်တွင်းနိုင်ငံရေးသည် ယခုအချိန်တွင် အတော်အတန်အသင့် တည်ငြိမ်သည်ဟု ဆိုလို့ရပါသည်။ သို့သော် လွှတ်တော်အတွင်း တပ်မတော်သား ၂၅% တည်ရှိနေမှုမှာ လွန်ခဲ့သော နှစ်ပတ်ခန့်က လွတ်တော်မှ အခြေခံဥပဒေ ခုံရုံးအပေါ် အာဏာရယူလိုမှုတွင် တပ်မတော်သား ၂၅% ၏ မဲကြောင့် သာ လွှတ်တော်မှ အနိုင်ကျင့်မှု သက်သာခဲ့သည်ဟု ထင်မိပါသည်။ ထိုကြောင့် ၂၀၁၅ မတိုင်ခင်အထိ လွှတ်တော်တွင် တပ်မတော်သား ၂၅%တည်ရှိမှုကို လက်မခံလိုသော်လည်း လက်ခံနေရမည့် အချက်ဖြစ်ပါသည်။ သို့သော် လာမည့် ရွေးကောက်ပွဲတွင် ၂၅%မှ ၁၅% သို့မဟုတ် ၁၀% အထိ လျော့ချရန် NLD နှင့် တခြားသော တိုင်းရင်းသားနိုင်ငံရေးပါတီများမှာ ၀ိုင်းဝန်းကြိုးစားသင့်ပါသည်။ သို့သော်လည်း NLD အနေဖြင့် တခြားသော ပါတီငယ်များနှင့် တိုင်းရင်းသားပါတီများကို စည်းရုံးနိုင်မှုမှ အလွန်အင်မတန် အားနည်းနေသေးသည်ကို အထင်အရှားတွေ့နေရပါသေးသည်။ NLD လက်ရှိအမတ်များမှ သော်လည်းကောင်း ပြည်ခိုင်ဖြိုးမှ ခေါင်းဆောင်အချို့ ဦးဆောင်က တပ်မတော်ပါဝင်မှု လျော့ချနိုင်လိမ့်မည်ဟု ၂၀၁၃ အတွက် ကြိုတင် နမိတ်ဖတ်မိပါသည်။

ယခင်နအဖများကို ထိမ်းချုပ်ရေး နှင့် အပြစ်ပေးရေး

ယခင် နအဖဗိုလ်ချုပ်ဟောင်းများ၏ အပြစ်များ ပြန်လည်ဖော်ထုတ်ကာ ထိုအပြစ်များအတွက် ထိုက်တန်သော အပြစ်များပေးရန် တချို့သော သူများက ပြောဆိုနေကြသည်ကို ကြားသိရပါသည်။ ကြားမိသလောက် လက်ရှိ နိုင်ငံရေးလောကတွင် တည်ရှိနေသော ဒေါ်အောင်ဆန်းစုကြည်၊ ဦးသိန်းညွှန့်၊ ဦးခင်မောင်ဆွေ၊ မင်းကိုနိုင်၊ ကိုကိုကြီး တို့ နှုတ်မှ ထွက်ရှိလာမှု မတွေ့ရပါ။ ယနေ့လှုပ်ရှားနေရသော မြန်မာနိုင်ငံအရေးကိစ္စများသည် သမ္မတဦးသိန်းစိန် နှင့် ဒေါ်အောင်ဆန်းစုကြည်တို့ နှစ်ဦး ယခင်နအဖ ဗိုလ်ချုပ်ဟောင်းများ အပေါ် အရေးမယူနိုင်ရန် အခြေခံဥပဒေတွင်ထည့်သွင်းရေးခဲ့သကဲ့သို့ ထိုသူတို့အား ခွင့်လွတ်ရန် သဘောတူညီမှုများ အပေးအယူလုပ်ထားသော အခြေအနေ ဟု ခန့်မှန်းမိပါသည်။ ထိုကြောင့် ထိုသူများအား အရေးယူမှုသည် ဖြစ်လျင်သော်မှ ၂၀၁၅ နောက်ပိုင်း ၃-၄နှစ်ခန့်မှသာ ဖြစ်ကောင်းဖြစ်နိုင်မည် ဖြစ်ပြီး၊ ဖြစ်နိုင်ခြေရာခိုင်နှုန်းမှာ ၂၀-၃၀ ခန့်သာ ရှိပါသည်။ ကျွန်တော်တို့ ထိုကိစ္စကို ခွင့်လွှတ်လိုက်ရပါမည်။

လောဘအရင်းတည် လာဘ်စားမှု

သို့သော် လွန်ခဲ့သော အပတ်က စာရင်းစစ်ချုပ်က လာဘ်လာဘယူသော၊ စီမံခန့်ခွဲမှုညံဖျင်းသောကြောင့် ငွေစာရင်းကွာခြားမှုကို လွတ်တော်မှာ ကြေငြာလိုက်သောအခါ သက်ဆိုင်ရာ ၀န်ကြီးဌာနများသည် ရက်မဆိုင်းပဲ စာရင်းစစ်ချုပ်တင်ပြသော ကွာခြားမှုကို ဖြေရှင်းပြီးကြောင်း သတင်းစာထဲတွင် ထည့်ကြပါသည်။ ကြိုတင်ညှိနှိုင်း သံစဉ်ရိုက်ထားမှုများဟု ထင်ရလောက်အောင် ဆက်တိုက် လုပ်ကိုင်မှုများကိုတော့ အလွန်အင်မတန် စိတ်ပျက်မိလှပါသည်။

ကျွန်တော်ဖေ့စ်ဘွတ်ခ်တွင် ဖတ်ရသော ကွန့်မန်ကို အတိုချုပ်ပြန်ပြောရလျင် Greed drive corruption လောဘဖြင့် ရယူသော လာဘ်စားမှုမျိုးကို ကျွန်တော်တို့တစ်တွေ အဓိက တိုက်ထုတ်ရပါမည်။ စားဝတ်နေရေး လိုအပ်ချက်ကြောင့် ရယူခြင်းထက် လောဘကြောင့် ရယူသော လာဘ်စားမှုသည် တိုင်းပြည်အတွက် အလွန်အင်မတန် နစ်နာစေကာ နိုင်ငံတကာတွင်လည်း နာမည်ပျက်စေပါသည်။ ထိုကဲ့သို့ လာဘ်စားမှုမျိုး ၀ိုင်းဝန်းတိုက်ဖျက်ကြပါစို့။

နိဂုံး

ကျွန်တော် ယခုရေးသားမှုများသည် လက်ရှိအစိုးရအပေါ် ချီးကျုးမှုများသည် ဖားသည်၊ ဆွဲဆောင်မှုကို ခံရသည်ဟု ဆိုကောင်းဆိုရပါမည်။ လွန်ခဲ့သော နှစ်နှစ်ခန့်က ထိုကဲ့သို့ အခြေအနေမျိုးကို မမြင်ရပါ။ ကျွန်တော်အနေဖြင့် ကောင်းအောင်ကျိုးစားနေသူကို ကောင်းလာပါသည်ဟု ချီးကျုးပေးရမည်ဟု ခံယူပါသည်။ ကျွန်တော်တို့သည် လူသားများဖြစ်သည့်အတွက် ကိုယ့်ကို ချီးကျုးပြောကြားပါက ကြိုက်နှစ်သက်ပါသည်။ ထိုသို့ အပြောခံရသည်နှင့်အညီ ဆက်လက် အကောင်းပြောခံလိုပါသည်။ ထိုကြောင့် ကျွန်တော်တို့သည် ဆိုးဝါးချိန်မှ ဆိုးသည်ဟု အတိုက်အခံပြောသကဲ့သို့ ကောင်းချိန်မှာ ကောင်းလာသည်ဟု ချီးကျုးရန်လဲ လိုအပ်သည်ဟု ထင်ပါသည်။

ကျွန်တော်တို့ လမ်းတွေ အများကြီး လျှောက်ရပါအုန်းမည်။ ကြိုးစားမှုတွေ ဒီထက် ပိုလုပ်ရပါအုန်းမည်။ ကြိုးစားမှုများကို ရပ်တန့်မသွားအောင် ၀ိုင်းဝန်းလုပ်ကြဖို့ လိုအပ်ပါသည်။ အနှောက်အယှက်မပေးမိအောင် ကြိူးစားရပါမည်။

ယနေ့အချိန်အခါသည် တော်လှန်ရေးကာလဟု ကျွန်တော်မထင်တော့ပါ။ ယနေ့အချိန်အခါသည် တည်ဆောက်ရေးကာလကို ရုန်းကန်ရတော့မည်ဟု ကျွန်တော်မြင်မိပါသည်။ ထိုကာလသည် အလွန်အင်မတန် လှိုင်းတပိုး များပြားပါသည်။ ထိုကြောင့်အမျိုးသားရေးစိတ်ဓါတ်ဖြင့် စည်းလုံးရန် လိုအပ်နေပါသည်ဟု ပြောကြားရင်း Let's move forward.

မောင်ခြိမ့်
(၂၀ နိူုဝင်ဘာ ၂၀၁၂)

ကိုးကား
http://www.president-office.gov.mm/
https://www.facebook.com/7daynews  
https://www.facebook.com/ElevenMediaGroup
တိုးတိုးတိတ်တိတ်သတင်းများပေးသော သတင်းထောက်။
 http://www.mmcpcommunity.net

Wednesday, November 14, 2012

ပြား ၈၀ အန်တီဆွိ ...


အရင်က ပြား၂၀ မဆွိတီ ဆိုတဲ့ပို့စ်လေး ရေးဖူးပါတယ်။ အဲဒါလေး အရင်ဖတ်ကြည့်ကြပါဦး။

အန်တီဆွိ ရုံးမှာထိုင်တဲ့နေရာနဲ့ ဘေးချင်းကပ်ရပ် လမ်းကလေးသာခြားတဲ့ နေရာမှာ ကောင်မလေးတစ်ယောက်ရှိတယ်။ ကောင်မလေးသာပြောတယ် အသက်ကတော့ ၃၅-၄၀ ပတ်ဝန်းကျင်လောက်ပေါ့။  ဆံပင်တိုတိုနဲ့ဆိုတော့ လူက ငယ်ပုံပေါက်တယ်။ မျက်နှာကတော့ တရုတ်နဲ့ခပ်ဆင်ဆင်။ ရောက်စ ကိုယ်လဲ အလုပ်နဲ့ ရင်နှီးဖို့ ကြိုးစားနေရတာနဲ့ သေချာတော့ သတိမထားမိပါဘူး။ သူကလဲ ခပ်တည်တည်ပဲဆိုတော့ မိတ်လဲ မဆက်မိဘူး။ တစ်ရက်တော့ သူက လုပ်ဖော်ကိုင်ဖက်တစ်ယောက်နဲ့ အင်္ဂလိပ်လိုပြောနေတာ။ သူ့ရဲ့ အင်္ဂလိပ်လေသံက ကိုယ်ရင်းရင်းနှီးနှီး ကြားဖူးတဲ့ လေသံမျိုးဖြစ်နေတယ်။ ဒါပေမဲ့လဲ အလုပ်ထဲသာ စိတ်ကရောက်နေတော့ မေ့မေ့ပျောက်ပျောက်ပါပဲ။

တစ်ရက်တော့ အလုပ်မှာ ကုန်းလုပ်နေရင်းနဲ့ နားထဲမှာ မြန်မာလို စကားပြောသံ သဲ့သဲ့ကြားရတော့ ရုပ်တရက် နားကအလိုလို စွံ့ပြီးသား၊ မျက်လုံးက စကားပြောသံကြားတဲ့ နေရာကို ရှာဖွေနေပြီးသားဖြစ်သွားတယ်။ လက်စသတ်တော့ ဘေးက ကောင်မလေးက ဗမာလို ဖုန်းနဲ့ ပြောနေတာပါလား။ သူမြန်မာပါလားဆို သိလိုက်ရတော့ အရမ်းအံ့သြသွားတယ်။  ရုံးမှာလုပ်တာ ၃-၄ ပတ်ရှိပေမဲ့ မြန်မာအချင်းချင်း မသိကြဘူး။ 

ဒါနဲ့ ဒါမျိုးဆို ထီးကလေးဆောင်းပြီး စောင့်နေတဲ့ အန်တီဆွိက သူဖုန်းချချချင်းပဲ သူ့နေရာလှစ်ကနဲ ရောက်သွားပြီး ပြုံးပြုံး ... ပြုံးပြုံးနဲ့ မိတ်ဆက်ပါလေရော။ 

" အစ်မလား ... ညီမလားတော့ မသိဘူး ...  မြန်မာလိုပြောနေသံကြားလို့ ။ တွေ့နေတာတော့ကြာနေပြီ။ တရုတ်အောက်မေ့နေတာ ...."

ဟိုကလဲ အင်မတန် အံ့သြသွားတဲ့ ပုံနဲ့  ... ပထမတော့ ဘာပြန်ပြောရမှန်းတောင်မသိ အူကြောင်ကြောင်ဖြစ်နေသေးတယ်။ ပြီးမှ

"ဟုတ်ကဲ့ အစ်မ ... ကျွန်မလဲ တွေ့နေတာ ... မြန်မာမှန်းမသိဘူး ..ဟီး ...."

ဒီလိုနဲ့ မိတ်ဆက်ကြပြီး သူဟာလဲ ကိုယ်တွေလိုပဲ RIT ကပြီးတဲ့ အင်ဂျင်နီယာ၊ ကိုယ့်ထက် ၃နှစ်လောက် ဂျူနီယာကျတဲ့ ညီမတစ်ယောက်ဆိုတာ သိလိုက်ရတယ်။ တစ်ကျောင်းထဲကဆိုတော့ စိတ်က ခင်မင်လက်စလဲရှိနေတော့ ကိုယ်သိတဲ့သူတွေ သူသိတဲ့သူတွေ အပြန်အလှန်ပြောကြရင်း ခင်သွားတော့တာပဲ။ နောက်ပိုင်းတော့ သူဟာ မသိခင်သာ ခပ်တည်တည်နေပေမဲ့ သိသွားတော့လဲ ခင်စရာကောင်းတဲ့ ညီမတစ်ယောက်ဖြစ်တယ်ဆိုတာ သိရပါတယ်။

ဟိုတစ်လောကလဲ ထမင်းစားခန်းထဲမှာ ထမင်းစားနေရင်းနဲ့ မလေးရှားက ကောင်မလေးတစ်ယောက်နဲ့ စကားလက်ဆုံကျတော့ production ဖက်မှာ မြန်မာတွေ ရှိတယ်ဆိုပြီး ဗမာနာမည်တစ်ခုပြောပြလာတယ်။ သူပြောတာတော့ production ဖက်မှာ ဗမာ ၄ယောက်လောက်ရှိတယ် ပြောတယ်။ ခုချိန်ထိတော့ အဲဒီဖက် မသွားရသေးတော့ မကြုံသေးဘူးပေါ့။ စင်္ကာပူလို ဗမာပေါတဲ့ အရပ်မှာ အလုပ်လုပ်တုံးကတောင် အလုပ်ထဲမှာ ဗမာနဲ့ကြုံတာ အင်မတန်နည်းတော့ ဒီကုမ္ပဏီမှာ မြန်မာတွေ တော်တော်ပေါပါလားဆို အံ့သြနေတာပေါ့။

မနေ့ကတော့ အန်တီဆွိလဲ ကိစ္စလေးတစ်ခုရှိတာနဲ့ အောက်ထပ်က HR နဲ့ Finance ဌာနတွေဖက်ကို ဆင်းလာခဲ့တယ်။ အောက်ရောက်တော့ ကိုယ်တွေ့ချင်တဲ့ သူက အခန်းတံခါးပိတ်ထားတာနဲ့ ဘေးဖက်အခန်းက ကောင်မလေး တစ်ယောက်တွေ့တာနဲ့ ၀င်မေးတာပေါ့။

 " ဆူဇန်လဲ မတွေ့ဘူးနော်။ ဒီနေ့ သူမလာဘူးလားမသိဘူး.." ဆို အင်္ဂလိပ်လို မေးလိုက်တာ။

ခလေးမလေးက အသက် ၂၀-၂၅ လောက်ရှိမယ်ထင်တာပဲ။ အေရှတော့ အေရှရုပ်ပဲ။ ဆံပင်လေးကို အကုန်အပြောင်သိမ်းပြီး အပေါ်မှာ ဆံထုံးတော်ကြီး တမာသီးနဲ့။ အသားအရေလေးက ကြည်ကြည်လင်လင်နဲ့ မျက်နှာလေးက ချစ်စရာလေးရယ်။ သူက အန်တီဆွိ်စကားဆုံးဆုံးချင်းပဲ ...

" အန်တီက မြန်မာလားမသိဘူးနော် " တဲ့ ဆိုပြီး ဆူဇန် ဒီနေ့ နေ့ဝက်ခွင့်ယူထားတယ်ဆိုပြီး ဗမာလို ပီပီသသကြီး ပြောပါလေရောဗျာ။ နောက်ပြီး ဟိုနေ့က မxxx ကပြောနေတာ R&D မှာ မြန်မာ အသစ်ရောက်နေတယ်တဲ့ ပြောနေတာကြာပြီ။ အဲဒါ အန်တီ့ကို တွေ့တော့ အန်တီပဲ ဖြစ်ရမယ်ဆိုပြီင်္း မေးကြည့်တာတဲ့ဗျား။

ဒါနဲ့ သူနဲ့လဲ သူ့အကြောင်း၊ ကိုယ့်အကြောင်း အလုပ်အကြောင်း စပ်စုကြရင်း အလ္လာပ သလ္လာပ စကားလက်ဆုံကျနေကြတယ်။ ခလေးမလေးရဲ့ လေသံ accent က တကယ့်ကို အော်ဇီမတစ်ယောက်နဲ့ မခြားပါဘူး။ ၀တ်တာစားတာ၊ ပြင်ဆင်ထားပုံ ရုပ်ရည်တွေဟာ ကြည့်ရုံနဲ့ ဗမာမှန်း လုံးဝခန့်မှန်းလို့မရပါဘူး။ သူဟာ ၁၃နှစ်ကတည်းက ဒီရောက်နေတာဖြစ်ပြီး ဒီမှာလုပ်နေတာ ၂နှစ်ရှိပြီဖြစ်တဲ့ အကြောင်း၊ သူနဲ့အတူု ဒီအခန်းထဲက finance ဌာနမှာ နောက်ထပ်မြန်မာ တစ်ယောက်လဲ ရှိကြောင်း ပြောပြပါတယ်။

 နောက်သွားခါနီးတော့ စပ်စုချင်တာနဲ့ မေးလိုက်တာ။

" ဟင် ဒါနဲ့ အစ်မကိုမြင်တာနဲ့ ဘယ်လိုလုပ်မြန်မာမှန်း သိလဲ ... အစ်မက ဗမာရုပ်တော်တော်ပေါက်လို့လား " ဆိ်ုတော့

 သူက ဟုတ်တယ် အစ်မပုံက ကြည့်တာနဲ့ ဗမာမှန်း အရမ်းသိတာတာပဲတဲ့။

သူပြောတော့ အန်တီဆွိမှာ ရယ်လိုက်ရတာ။ စင်္ကာပူမှာတုံးက တစ်ချိန်လုံး တရုတ်နဲ့ မှားနေလို့ ဖြေရှင်းနေရတဲ့သူက ကျေပဲ မကျေနပ်သလိုလို စိတ်ထဲမှာ ဖြစ်သွားသေးတယ်။ ပြီးမှ အော် ဗမာသွေး ပြား၈၀တောင်ပါတာ ဗမာမှန်း သိသာတာ ဆန်းသလားလို့သာ ခပ်ဖော့ဖော့လေး တွေးရင်း ပြုံးလိုက်မိပါတော့တယ်။ ။

ပြား ၈၀ အန်တီဆွိ



လွမ်းလွမ်းတတ အမှတ်တရ (အာအိုင်တီ)

ဦးခြိ်မ့် ရေးထားတဲ့ RIT အကြောင်းမှတ်စုလေး Face book မှာတွေ့လို့ အန်တီဆွိရဲ့ ပိတ်သပ်များကို ပြန်လည် မျှဝေလိုက်ပါတယ်။



by Mgchaint Wynn on Friday, September 28, 2012 at 10:05am

စက်မှုတက္ကသိုလ် ကျောင်းသားဟောင်းများအဖွဲ့ရဲ့စာမျက်နှာမှာ ညီမငယ်တစ်ယောက်က စက်မှုတက္ကသိုလ်ရဲ့ အထင်ကရတွေက ဘယ်နေရာတွေလဲ၊ ပြီးတော့ ဘာလို့ အဲဒီလိုဖြစ်ခဲ့တာလဲဆိုတာ မေးထားတာ တွေ့လိုက်ရလို့ ကျွန်တော်တို့ ခေတ်မှာ သိထားတဲ့ ကျောင်းရဲ့ အထင်ကရနေရာလေးတွေကို မှတ်မိသလောက် ပြန်ပြောလိုက်ရတာပါ။ ကျွန်တော်တို့က ၁၉၈၄ ခုနှစ် ဒီဇင်ဘာလကနေ ၁၉၉၃ ခုနှစ် သြဂုတ်လအထိ ၉နှစ်တိတိ ကျင်လည်ခဲ့တဲ့ ဒီနေရာ၊ ကျောင်းပြီးသွားတော့လည်း ကျောင်းပတ်ဝန်းကျင်မှာ နေထိုင်ရင်း ၀မ်းတထွာအတွက် လှုပ်ရှားရုန်းကန်ရင်း ၁၉၉၅ခုနှစ်အထိ နေခဲ့တာမိုလို့ စက်မှုတက္ကသိုလ်က ကျွန်တော်အတွက် မမေ့နိုင်တဲ့ နေရာတစ်ခုအဖြစ် ယခုထက်ထိ တည်ရှိနေတာပါပဲ။

 ဦးလူပေါဂိတ်

၁၉၈၄ ခုနှစ် ပထမဆုံးအကြိမ် စက်မှုတက္ကသိုလ်ကို လာရောက်တော့ ဦးလူပေါဂိတ်ဆိုတာ ကျွန်တော်တို့လို ဘတ်စကားနဲ့ တိုးဝှေ့ကျောင်းတက်ရတဲ့ သူတွေအဖို့ သိပ်ပြီး မရင်းနှီးလှပါဘူး၊ ဒါပေမဲ့လည်း ဦးလူပေါဂိတ်လို့ ဆိုတဲ့ အီလစ်ပုံသဏ္ဍာန် ဂိတ်ဝ တခါးက ရန်ကုန်မြို့ကို အခုမှ လာရောက်တဲ့ ကျွန်တော်တို့လို တောသားတွေအတွက် အလွန်အင်မတန် ထူးဆန်းလှတဲ့ အင်ဂျင်နီယာ အာခီတက် ပညာရပ်တစ်ခုပါလားဆိုပြီး အံသြမိတာပါ။ နောက်မှ သိလိုက်ရတာကတော့ ဦးလူပေါဂိတ်လို့ အမည်တွင်တာက ကာတွန်းဦးအောင်ရှိန်ရေးဆွဲတဲ့ ဦးလူပေါကာတွန်းရုပ်က ဦးလူပေါရဲ့ ခေါင်းသဏ္ဍာန်နဲ့ တူလို့ ဦးလူပေါဂိတ်လို့ အမည်တွင်တယ်ဆိုတာ သိခဲ့ရပါတယ်။ အဲဒီဦးလူပေါဂိတ်က မော်တော်ကားစီးနိုင်တဲ့ လူတန်းစားတွေ ၀င်ထွက်တယ်ဆိုပြီး အနီအနည်းငယ်ဆန်တဲ့ စီနီယာ ကျောင်းသားကြီးတွေက လက်ဝေဖြန့်ခဲ့ပါတယ်။  

ပစ္စည်းမဲ့ဂိတ် (၀ါ) ဘီပီအိုင်ဂိတ်

မှတ်မှတ်ရရ အဲဒီနေ့က ၁၉၈၄ ခုနှစ် ဒီဇင်ဘာလ ၅ရက်ပါ။ မနက်စောစော အေးမြတဲ့ မြောက်လေနှောလို့ တစိမ်စိမ့်လေး ရှိနေတဲ့ မနက် ၇နာရီ ၄၅မိနစ်လောက်မှာ ၄၅အမြန်ကားကို စီးနင်းပြီး ကျောင်းကိုလာခဲ့ပါတယ်။ စပယ်ရာရဲ့ ဘီပီအိုင်ပါလားလို့ မေးသံကြားတော့ မရဲတရဲလေးနဲ့ ပါပါတယ်ဗျ လို့ ပြောလိုက်မိပါတယ်။ ကားပေါ်က ဆင်းဆင်းချင်းမှာပဲ ပုံဏ္ဍာရိတ်ပင်တန်းကြားထဲက ကွက်လပ်လေးမှာ ၆လက်မပတ်လည် သစ်သားတိုင်လေး ယိုင်ယိုင်နဲ့ စိုက်ထူထားတဲ့ ပစ္စည်းမဲ့ဂိတ်ကို ကျွန်တော်လှမ်းဝင်မိလိုက်ပါတယ်။ တကယ်တော့ အဲဒီနေရာနဲ့ တည့်တည့်က ဘီပီအိုင်ကို သွားတဲ့လမ်းနဲ့ ဘတ်စကားဂိတ်က ဘီပီအိုင်မှတ်တိုင်ပေါ့။ ပစ္စည်းမဲ့ဂိတ်ကို မသွားခင် နဘေးမှာ လက်ယာဘက်မှာ ကွမ်းယာဆေးလိပ်ဆိုင်နဲ့ လက်ဝဲဘက်မှာ မုန်ဟင်းခါးဆိုင်ရှိတယ်ဆိုတာကိုတော့ ကျွန်တော်မှတ်မိနေပါသေးတယ်။ ကျွန်တော်တို့လို့ ဘတ်စ်ကားသာ စီးနိုင်တဲ့ လူတွေအဖို့ဒီဂိတ်က အ၀င်အထွက်နေရာတစ်ခုပါပဲ။ အမှန်တကယ်ပြောရရင်တော့ ကျွန်တော်တို့ ခေတ်မှာ ကျောင်းကို မော်တော်ကားစီးပြီး တက်နိုင်တဲ့ လူဆိုတာ အယောက် ၁၀၀ထက် မပိုလှပါဘူး။ တနှစ်ကို ၇၅၀ နဲ့  ၆ နှစ်အတွက် စုစုပေါင်း ကျောင်းသား ၄၅၀၀ မှာ မော်တော်ကားစီးပြီး ကျောင်းတက်နိုင်တာက ၂ ရာခိုင်နှုန်းလောက်သာရှိတာမဟုတ်လား၊ အဆောင်နေကျောင်းသား ကျောင်းသူနဲ့ မြို့ထဲကလာတဲ့သူ တော်တော်များများက ဒီဂိတ်ကိုပဲ အသုံးပြုကြတာပါ။


မိုးမခပင်တွေ တို့သက်သေတည်

ပစ္စည်းမဲ့ဂိတ်ကို ကျော်လွန်ပြီး ကြည့်လိုက်ရင် တိုင်ပေါင်း ၁၈တိုင်နဲ့ ခန့်ခန့်ညားညားရှိနေတဲ့ ကျွန်တော်တို့ကျောင်းရဲ့ အထင်ကရ အဆောင်၁ ကြီးက ကျွန်တော်တို့ လို ကျောင်းသားသစ်တွေကို နွေးနွေးထွေးထွေးကြိုဆိုနေကြတယ်၊ အဲဒီအဆောင်တစ်ကို တက်တဲ့ ပြေပြစ်တဲ့ ကွန်ကရစ်လမ်းနဘေးမှာ မိုးမခပင်ကြီး နှစ်ပင်ကတော့ ကျွန်တော်တို့ကို အပေါ်စီးက ငုံကြည့်နေလေရဲ့၊ အခုတော့ ဒီမိုးမခပင်ကြီး နှစ်ပင်က သက်သေမတည်နိုင်တော့ပါဘူး။ အချိန်တွေ ရွေ့လျားလာတော့ သူတို့လဲ နေရာဖယ်ပေးရလိုက်ရပါပြီ



ကာတွန်းဘော်စ်

ကျောင်းရောက်ခါစကတော့ ကျွန်တော်အတွက် ကာတွန်းဘော်စ်က သိပ်မရင်းနှီးခဲ့ပါဘူး။ နောက်ပိုင်းမှာ သူငယ်ချင်း မောင်ရစ်နဲ့ ခင်မင်ပြီးတဲ့နောက် သူရဲ့ ၀ါသနအရ ဆွဲနေတဲ့ ကာတွန်းလေးတွေ ကာတွန်းဘောဇ်မှာ ကပ်ထားတာ အားပေးရင်းနဲ့ ကာတွန်းဘော်ဇ်က ကျွန်တော်တို့အတွက် မရှိမဖြစ်ဖြစ်လာရတာပါ။ တကယ်တော့ ကာတွန်းဘောက်စ်က ကျွန်တော်တို့အတွက် လွပ်လပ်စွာ ဖွင့်ထုတ်နိုင်ခဲ့တဲ့ နေရာတစ်ခုလို့ ဆိုရင်လည်း မမှားဘူးပေါ့။ ကာတွန်းဘောဇ်က ကျွန်တော်တို့ လိုအပ်တဲ့ အရာတွေကို ကာတွန်းအမြင်နဲ့ တောင်းဆိုတဲ့နေရာ၊ ကျောင်းသားကျောင်းသူတွေရဲ့ ချစ်စရာအထေ့လေးတွေကိုလဲကြည့်ရတဲ့ အပြင် ကျွန်တော်တို့ခေတ်မှာ ဆောင်းပါ။ ဓါတ်ပုံ နဲ့ ၀တ္ထုတိုလေးတွေပါ ဖတ်ရတဲ့ နံရံကပ်စာစောင်နေရာလို့ ဆိုလို့ရပါတယ်။ ၁၉၈၈ ခုနှစ် အရေအခင်းဖြစ်တဲ့အချိန်ထိပေါ့။

(မောင်ရစ်နှင့် ကာတွန်းဘောက်စ်၊ မောင်ရစ်ထံတွင် ခွင့်မတောင်းပဲ သုံးမိပါသည်။)


သြဘာလမ်း

သြဘာလမ်းကတော့ မြန်မာကျော်အထင်ကရ ရန်ကုန်စက်မှုတက္ကသိုလ်ရဲ့ မှတ်တိုင်တစ်ခုပါပဲ၊ ကျွန်တော်တို့ရဲ့ နောင်တော်ကြီးများလက်ထက်က ဘွဲနှင်းသဘင်ကို အဆောင်၁ရဲ့ ပထမထပ် Assembly Hall မှာ ကျင်းပတယ်လို့ သိရတယ်။ ဘွဲနှင်းသဘင်မှာ ဘွဲအပ်နှင်းပြီးရင် ဆရာကြီးတွေ ဦးဆောင်တဲ့ ဘွဲ့ရကျောင်းသားတွေ ဒီလမ်းမှာ လမ်းလျှောက်ကြတယ်။ အဲဒီမှာ နဘေးမှာ ရှိတဲ့ ၀ရန်တာကနေ မိဘဆွေမျိုး သူငယ်ချင်းများက ချီးမြှောက်တဲ့အနေနဲ့ သြဘာလက်ခုတ်တီးကြလို့ ဒီလမ်းကို သြဘာလမ်းလို့ ခေါ်တယ်ဆိုတာ စက်မှု တက္ကသိုလ်မတက်ခင် ကြိုတင်ဖတ်မိထားတဲ့ ဆရာနွမ်ဂျာသိုင်းရဲ့ တခါတုန်းက တက္ကသိုလ်မှာ ကျွန်တော်ဖတ်မိခဲ့ဖူးပါတယ်။ ကာတွန်း တင်အောင်နီကလည်း ပြာလောင်ရုပ်ပြကာတွန်းမှာ ရေးခဲ့ဖူသလား သေတော့ မသေချာပါဘူး။ ဘွဲရတွေသာ လျှောက်လှမ်းတဲ့ ဒီလမ်းကို ကျောင်းတက်နေဆဲ ကျွန်တော်တို့တစ်တွေ လျှောက်လမ်းရင် အဆောင်၁ ၀ရန်တာများဆီကနေ ကျောင်းသားတွေက ၀ိုင်းဝန်းပြီး  ဟေ့ကောင် အရူး၊ သောက်ပေါ စသဖြင့် နစ်နာစေလိုတဲ့ ဆန္ဒမဟုတ်ပဲ အပျော်သဘောမျိုး လက်ခေါက်မှုတ် လက်ခုတ်တီး လှောင်ပြေင်ကြတာပေါ့။ အဲဒီလို သြဘာလမ်းကို လမ်းလျှောက်ပြီးသွားတယ်ဆိုရင်တော့ သိပ်မကြာခင်မှာပဲ ကျွန်တော်တို့ခေတ်က ဆရာဦးသက်လွင် (မော်ကွန်ထိမ်း) ရဲ့ အခန်းကို ဖိတ်ကြားလွှာလို့ ရောက်လာပါလိမ့်မယ်။ ဘယ်လိုပဲ ဆရာက ခေါ်ဆူပေမဲ့ နှစ်စဉ်နှစ်တိုင်း သြဘာလမ်းကို အလောင်းအစားနဲ့ လျှောက်လမ်းတဲ့သူ၊ အူကြောင်ကြောင်နဲ့ လျှောက်မိတဲ့သူတွေ ရှိစမြဲပါပဲ။

ခရေပင်လမ်း နဲ့ ချစ်သူတို့လမ်း

ဒီလိုနဲ့ ကျွန်တော်တို့တစ်တွေ ပထမနှစ်ကို ပျော်ရွှင်စွာဖြတ်သန်းပြီးတဲ့ နောက် ဒုတိယနှစ်ရောက်ကျတဲ့ အခါမှာ တချို့တွေကလည်း ကျောင်းထဲမှာပဲ ချစ်သူရည်းစားတွေရကြပါတယ်။ တနှစ်မှ ၁၅%သာလက်ခံတဲ့ အမျိုးသမီးတွေထဲကနေ ကြံဖန်ပြီး ရလာတဲ့ ချစ်သူစုံတွဲတွေလဲ မနည်းလှပါဘူး။ ဒါပေမဲ့ ကျွန်တော်တို့က အဲဒီလို ရှားရှားပါးပါးထဲမှာ မပါခဲ့ဘူးလေ။ ဒါပေမဲ့ အဲဒီလို စုံတွဲလေးတွေ ကြည်နှုးကြရာ နေရာလေးတွေကိုတော့ ကျွန်တော်တို့ သွားဖြစ်ပါတယ်။ ဘာလို့လဲဆိုတော့ သူတို့ကို နှောက်ယှက်ဖိုပေါ့။ 

အဆောင်၁ ကနေ ကန်တင်းဘက်ကို အဆင်း၊ ကားပတ်ကင်နဲ့ ဘတ်စကက်ဘောကွင်းက ညာဖက်မှာ ရှိတယ်။ ဘယ်ဘက်မှာကတော့ မြေနီလမ်းလေးရှိတာပေါ့။ အဲဒီမြေနီလမ်းနဘေးမှာ ခရေပင်တွေ စီတန်းပေါက်နေတာ ဟိုဘက် အဆောင်၂ အစွန် ရူပဗေဒဌာနအထိ ရှိတာပေါ့။ ဆောင်းတွင်း ဇန်န၀ါရီ၊ ဖေဖော်ဝါရီလတွေမှာ မြုနှင်းမှုန်တွေ မှိုင်းဝေပြီး ခရေပွင်ကြွေရနံတွေကြောင့် ချစ်သူတွေအတွက် တူစုံလက်တွဲ လမ်းလျှောက်လို့ အလွန်ကောင်းတာပေါ့။ ချစ်သူမရှိတဲ့ ကျွန်တော်တို့တောင်မှ အဲဒီအချိန် ခရေပင်လမ်းမှာ လမ်းလျှောက်ဖြစ်ရင်တောင်မှ လွမ်းသလိုလို ဆွေးသလိုလို ဖြစ်ခဲ့ဖူပါတယ်။

အဲဒီခရေပင်လမ်းဆုံးက ချစ်သူတို့လမ်းနဲ့ အဆောင် ၂အဆုံးမှာ  သွားဆုံတယ်လေ။ ချစ်သူတို့လမ်းဆိုတာကတော့ ဂျီဟောကနေ ကျောင်းဆောင်တွေဆီကိုအလာ အဆောင်၅ မရောက်ခင် တွေ့ရတဲ့ မြေနီလမ်းပေါ့။ အဲဒီမြေနီလမ်းလေးက နဘေးမှာ အဆောင် ၅၊ ၆၊ ၇ နဲ့ ညာဖက်မှာ သစ်ပင်လေးတွေ အုပ်မှိုင်းလို့ ရှိတာပေါ့။ အဆောင် ၅ကနေ ၇ ဆိုတာက ညနေရောက်ရင် လူခြေပြတ်တာမိုလို့ ဂျီဟောကနေ ချစ်သူနှစ်ဦး အေးအေးဆေးဆေး လမ်းလျှောက်စကားပြော ဘ၀ရှေ့ရေးတွေ တိုင်ပင်လို့ ကောင်းတဲ့ လမ်းလေးပေါ့။ ဘ၀ရှေ့ရေတိုင်ပင်တာနော်. တခြား ဟိုဟိုဒီဒိတွေ မတွေးပါနဲ့နော်။

အထင်ကရ အမှတ်တရနေရာတွေထဲမှာ ကျွန်တော်တို့ရဲ့ ကန်တင်းတွေကလည်း အမှတ်တရဖြစ်စေခဲ့တာပဲလေ။ အဲဒီကတည်းက နာမည်ကြီးတဲ့ ဆိုင်တွေကို ပြောရရင်တော့

လူငယ်ဆိုင်
ကျွန်တော်တို့ နှစ်များဆီက ၁၉၈၈ ခုနှစ်အထိ လူငယ်ကန်တင်းဆိုတာ ရှိခဲ့ပါတယ်။ အယ်လ်၃-၄ကနေ ထွက်လိုက်ရင် မိုကြိုးလျ့ပ်စစ်ဆိုတဲ့ အဆောက်အဦးငယ်လေး နဘေးမှာ လူငယ်ကန်တင်းဆိုတာ ရှိခဲ့တာပေါ့။ ယခင်တုန်းက လမ်းစဉ်လူငယ် ရံပုံငွေနဲ့ ဖွင့်ခဲ့တာလားတော့ မသိပါဘူး။ လူငယ်ကန်တင်း တခြား ကန်တင်းတွေနဲ့ သီးခြားရှိတဲ့ နေရာပါ။ နောက်ပိုင်း လူငယ်ကန်တင်းကို ဖျက်လိုက်တော့ ဆုံစည်းရာဆိုပြီး ပြန်ဖွင့်ခဲ့ပါတယ်။

နွေးအေးဆိုင်
စက်မှုတက္ကသိုလ်နဲ့ နွေအေးဆိုတာ ခွဲလို့မရဘူးလို့ ပြောလို့ရနိုင်တဲ့ ဆိုင်တဆိုင်ပါ။ နှစ်တွေ ဘယ်လောက်ကြာကြာ နွေအေးက မဖြစ်ဖြစ်အောင်ရပ်တည်ခဲ့ပါတယ်။ အရေးအခင်းကြောင့် ကျောင်းတွေပိတ်လဲ နွေးအေးဆိုင်က ဖွင့်မြဲပါပဲ၊ နည်းပညာတက္ကသိုလ်တွေ အများကြီး ပြောင်းဖွင့်လို့ စက်မှုတက္ကသိုလ်ဝင်းမှာ လူနည်းသွားလဲ နွေးအေးက ဖွင့်ခဲ့ပါတယ်။ ဒါပေမဲ့ အခု ကျွန်တော်တို့ ကျောင်းကြီး ပြန်ဖွင့်တော့မယ်လဲဆိုရော နွေးအေးက ပြန်မဖွင့်တော့ဘူးဆိုတော့ ၀မ်းနည်းမိတာ အမှန်ပါပဲ။

ကျွန်တော်တို့ခေတ်က နွေးအေးဆိုတာ မိန်းခလေးတွေ အများကြီးထိုင်ပြီး၊ မိန်းခလေးတွေကို ပိုးပန်းချင်တဲ့သူတွေက အဲဒီဆိုင်မှာ ထိုင်တယ်ဆိုကြပါတယ်။ နွေးအေးက တခြားဆိုင်တွေထက် လူပိုများတော့ ကျွန်တော်တို့လို အေးအေးဆေးဆေး လဘက်ရည်ဆိုင်အကြာကြီးထိုင်သူတွေအတွက်တော့ သိပ်ပြီး မနွေးထွေးလို့ ကျောင်းဖွင့်ချိန်မှာ သိပ်မထိုင်ဖြစ်ခဲ့ပါဘူး။ နွေးအေးရဲ့ ပဲထမင်း လက်ဖက်ထမင်းနဲ့ စတော်ဘယ်ရီလက်ဖျော်ရည်တော်တော် နာမည်ကြီးပါတယ်။

ဘချစ်လဘက်ရည်
ဘချစ်ဆိုင်လို့ ပြောလိုက်ရင် ကျွန်တော်တို့လို ပေပေတေတေ ကျောင်းသားအားလုံး သိကြပါသည်။ ဘချစ်ဆိုသည်မှာ ရန်ကုန်တက္ကသိုလ်က ဦးချစ်နှင့် မသက်ဆိုင်ပါ။ ဘချစ်သည် စက်မှုဌာနာ ပန်းဘဲဌာန၏ စူပါဗိုက်ဆာပါ။ ဒုတိယနှစ်ရောက်ပြီဆိုလျင် ကျွန်တော်တို့တစ်တွေ သံချောင်းတစ်ချောင်းကို မီးကင်ကာ ပြားနေအောင် သံချဉ်တွဲ ၉၀ဒီဂရီဖြစ်အောင်ထုရသည်။ ထိုပန်းဘဲဌာနတွင် ကျွန်တော်တို့ကို ဘယ်လို မီးပေး၊ ဘယ်လို ထုရသလဲဆိုတာ သင်ပေးခဲ့သော ကျွန်တော်တို့ချစ်သော ဘချစ်ပင်ဖြစ်ပါသည်။ ဘချစ်က ကန်တင်းတွင် လဘက်ရည် ထမင်းကြော် သံဗူး စသည်တို့ ရောင်းပါသည်။ ဘချစ်လဘက်ရည်ဆိုင်တွင် ကျွန်တော်တို့ နှစ်သက်သလောက်ထိုင်ခွင့်ရှိပါသည်။ ခိုင်ထူး၊ ခင်မောင်တိုး တူးတူး စသည့် လူငယ်ကြိုက် သီချင်းများလည်း ဖွင့်ပေးပါသည်။ ပထမနှစ်မှ နောက်ဆုံးနှစ်ဘွဲ့ရသည်အထိ စွဲစွဲမြဲမြဲထိုင်ခဲ့သော ဆိုင်သည် ဘချစ်လဘက်၇ည်ဆိုင်ပင်ဖြစ်ပါသည်။

ကန်သာယာ၊ အောင်သိပ္ပံနှင့် မော်လမြိုင်
ထိုဆိုင်၃ ဆိုင်မှာ တရုပ်စားသောက်ဆိုင်ဖြစ်ပါသည်။ ကန်သာယာကို  စက်မှုဌာနမှ ဆရာဦးစိုးလွင်ပိုင်ဖြစ်ပြီးယနေ့ထက်တိုင်ဖွင့်လှစ်ဆဲ၊ ဈေးအလွန်အင်မတန်ချိုသာပြီး  ကျောင်းသားများအပေါ် စေတနာဖြင့် ကြော်လှော်ပေးပါသည်။ မော်လမြိုင်မှာ ၁၉၈၇ခုနှစ်တွင် အာအိုင်တီမှ ထွက်ခွာကာ ကျိုက္ကလားသို့ ပြောင်းဖွင့်လိုက်ပါသည်။ အောင်သိပ္ပံကတော့ ၂၀၀၀ ၀န်းကျင်လောက်အထိ ဖွင့်လှစ်ပြီး ယခုအခါ မရှိတော့ပြီဟု သိရပါသည်။





မေတ္တာပေါင်းကူး
၁၉၈၆-၈၇ လောက် သက်ကယ်မိုး ထရံကာ ကန်တင်းအဟောင်းကို သွပ်မိုး ကန်တင်းအဖြစ်ပြောင်းလိုက်သောအခါ မေတ္တာပေါင်းကူး လဘက်ရည်ဆိုင် အသစ်တိုးလာပြီး လူငယ်များ နှစ်သက်သော ဆိုင်တဆိုင်ဖြစ်လာပါသည်။ မေတ္တာပေါင်းကူးသည် နွေးအေးနှင့် မျက်နှာချင်းဆိုင်တွင် တည်ရှိသောကြောင့် ကိုယ်လိုက်လံပိုးနေသော ကောင်မလေး နွေးအေးမှာ ထွက်ခွာသည်ကို အလွယ်တကူ မြင်နိုင်ပါသည်။ ထိုကြောင့် လူကြိုက်များတာလားတော့ မပြောတတ်ပါ။
ရန်ကုန်စက်မှုတက္ကသိုလ်ထဲတွင် ကျွန်တော်၏ လွမ်းလွမ်းတတ အမှတ်တရ နေရာလေးများ အလွန်အင်မတန်များပါသည်။ အဆောင် ၁ ရှေ့ က တနှစ်တခါသာ ဖွင့်သည့် ရေပန်းလှလှကြီး၊ ဦးလူပေါဂိတ်ဝနားက စာအုပ်ဆိုင်တို့သည်လည်း ကျွန်တော်တို့၏ကျောင်း၏ အမှတ်တရ ခြေရာလေးများဖြစ်ပါသည်။
နှစ်နှစ်တခါ ရန်ကုန်ပြန်တိုင်း ကျောင်းသားတွေ တိတ်ဆိတ်နေတဲ့ ကျွန်တော်ချစ်သော ကျောင်းကြီးကို ပြန်လည်မွမ်းမံပြီး Center of Excellence အဖြစ်သတ်မှတ်ကာ ကျောင်းတွေ ပြန်ဖွင့်တော့မယ်ဆိုတော့ ကျွန်တော် ရင်ထဲမှာ ပြောမပြတတ်အောင် ၀မ်းသာမိပါတယ်။ ဘယ်တော့မှ မေ့လို့မရတဲ့ ကျွန်တော်ရဲ့ လွမ်းဆွတ်မှုကို ဒီနှစ် ဆရာပူဇော်ပွဲတွင် ပြန်လည်အလွမ်းဖြေပါတော့မည်။ ကျွန်တော်ချစ်သော် MESA (AME) Association of Mechanical Engineering ရုံးခန်းလေးကို သွားပြီး တချိန်တုန်းက ဟောဒီ နေရာတွေမှာ ဆိုးပေကလေး ကျွန်တော်ကို သတိရနေသေးလားလို့ တိုးတိုးလေး ရွတ်ဆို မေးမိမည်သာဖြစ်ပါသည်။  ။


မောင်ခြိမ့် (၉၃)
==============
ဓါတ်ပုံများကို RIT ALUMINI Facebook နှင့် Google စာမျက်နှာများမှာ ရယူပါသည်။


Saturday, November 10, 2012

2nd prototype of အုန်းနို့ကျောက်ကျော ...

အန်တီဆွိတို့အလုပ်မှာ ကုန်ပစ္စည်းတွေ မထုတ်လုပ်ခင် CAD နဲ့ ဒီဇိုင်းအဆင့် ပြီးရင် ပစ္စည်းတွေ မှာပြီး အစမ်းဆင်ကြည့်ရတယ်။ Prototype လို့ခေါ်တယ်။ ပစ္စည်းတွေ တပ်ဆင်ရတာ လွယ်ကူရဲ့လား၊ တစ်ခုနဲ့တစ်ခု interference ဖြစ်နေသလား၊ အလွယ်တကူ ကျိုးပျက်လွယ်သလား၊ အစရှိသဖြင့်ပေါ့ စစ်ရတယ်။ တကယ့်တကယ်  mass production မလုပ်ခင် ၃-၄ခါလောက် အစမ်းထုတ်ဆို ဆင်ကြည့်ရတယ်။

အခု အန်တီဆွိလဲ အုန်းနိူ့ကျောက်ကျောလေး ကျိုတာကို အစမ်းလုပ်ကြည့်နေရတယ်။ အုန်းနိူ့ကျောက်ကျော ကျိုဖူးပေါင်းလဲ မရေမတွက်နိူင်ဘူး။ ကျိုတိုင်းလဲ အတိုင်းအဆ မှတ်ထားတယ်မရှိ၊ အဆင်ပြေသလို လုပ်လိုက်တာပဲ။ သူ့ဟာနဲ့သူတော့ ဖြစ်သွားတာပဲ။ အုန်းနိူ့ကျောက်ကျော ၂ထပ်ဖြစ်ချင်ဖြစ်မယ်၊ အုန်းနို့တွေများလို့ နို့ရောင်တစ်ရောင်တည်းကြီးနဲ့ မလှမပဖြစ်ချင်ဖြစ်မယ်။ အုန်းနိူ့က အထူကြီး ကျောက်ကျောအကြည်ထပ်လေးက ပါးပါးလေး ဖြစ်ချင်ဖြစ်မယ်။ စုံလို့ပဲ။ ခုတော့ အန်တီဆွိက အုန်းနို့နဲ့ ကျောက်ကျောအကြည်၂ထပ်ကို ညီညီလေးဖြစ်ချင်တာပါ။ (ကျောက်ကျောထုပ် အညွှန်းမှာပါတဲ့ ရေက ကိုယ်တွေအတိုင်းနဲ့ဆို နည်းနေတတ်ပါတယ်။) ခုအန်တီဆွိ ၀ယ်တဲ့ အထုပ်ကတော့ အညွှန်းက တရုတ်လို ဘူးသီး၊ငါးပေါင်းကြော်စာတွေပဲ ပါလို့ ဘယ်လောက်ထည့်ရမလဲ လုံးဝမသိပါဘူး။

အုန်းနို့ကျောက်ကျော ၂ထပ်ဆိုတော့ လုံးဝမကျိုဖူးသူတွေက ၂ခါကျိုရတာလား ဘာလား ထင်ချင်စရာပါ။ အမှန်က ကျောက်ကျောရေထဲ အုန်းနို့ရောကျိုလိုက်တာပါပဲ။ ခဲသွားတော့ ပေါ့တဲ့ အုန်းနို့က အပေါ်တက်လာပြီး သူ့ဟာသူ ၂ထပ်ဖြစ်သွားတာပါ။ ကိုယ်လဲ ငယ်ငယ်က မသိတော့ ၂ခါ သတ်သတ်စီ ခွဲကျိုရတယ်ထင်နေတာ။

 ပြီးခဲ့တဲ့ အပတ် ဘုန်းကြီးကျောင်းပွဲမှာတော့ first prototype ကျောက်ကျောက အုန်းနို့တွေများလို့ တစ်ထပ်တည်းဖြစ်သွားတယ်။ ကျောက်ကျောက အရသာတော့ရှိပါရဲ့၊ လှတ ပတ မဖြစ်ဘူးပေါ့ဗျာ။ အဲဒါကို မကျေနပ်လို့ ခုနောက်တစ်ခါကျတော့ ရေနဲ့ အုန်းနို့ကို သေချာ တွက်ချက်ပြီး ၂ထပ်ကို အလယ်မှာ ညီညီလေးဖြစ်အောင် အစမ်းလုပ်ထားတာပါ။ နောက်ပိုင်း အလှူတွေ ပွဲတွေအတွက် အမြဲ ၂ထပ်ကျောက်ကျောလေးရအောင် စမ်းလုပ်ထားတဲ့ 2nd prototype ပေါ့ဗျာ။

လိုအပ်သောပစ္စည်းများ
ကျောက်ကျောချောင်း (၄၂.၅ ဂရမ်) အထုပ်တစ်ဝက် (ကျောက်ကျောချည်း ချိန်ကြည့်တာ ၁၇.၅ ဂရမ်ခန့်) 
အုန်းစိမ်းရည် ၃၅၀ ml  ၃ဗူးခွဲ (စုစုပေါင်း 1.2 liter ခန့်)
အုန်းနိူ့ ၆၀၀ ml
သကြား ၃၀၀ ဂရမ်
ဆား လက်ဖက်ရည် တစ်ဇွန်းမောက်မောက်

(ဒီမှာ သတိထားမိလားမသိဘူး။  Rule of thumb က ရေ ၂ဆ၊ အုန်းနို့တစ်ဆ  ပါ။ )

အန်တီဆွိက ကျောက်ကျောကျိုရင် အမြဲ ကျောက်ကျောချောင်းထုပ်ကိုပဲ သုံးပါတယ်။ နဲနဲပဲ စမ်းလုပ်ချင်တာဆိုတော့ ကျောက်ကျောထုပ်ရဲ့ တစ်ဝက်တိတိကို ကတ်ကြေးနဲ့ညှပ်လိုက်ပါတယ်။  ပြီးတော့ ကျောက်ကျောတွေကို ပျော့သွားအောင် ရေစိမ်ပြီး တစ်လက်မလောက်စီ သေးသေးလေးတွေဖြစ်အောင် ထပ်ညှပ်လိုက်ပါတယ်။ သေးသေးလေးတွေဆိုတော့ အကြာကြီး မကျိုရတော့ဘူးပေါ့။
အုန်းစိမ်းရေ ၃မျိုး- ၃ဗူးဝယ်လာတာ ဒါလေးက အကောင်းဆုံးပဲ။ တစ်ဗူးကို ၃၅၀ ml ပါတယ်။
ပြီးတော့ အိုးထဲမှာ အုန်းစိမ်းရေ ဗူး ၃ဗူးခွဲ ဖောက်ထည့်ပြီး ကျောက်ကျောကို ကျိုပါတယ်။ အုန်းစိမ်းရေက အုန်းသီးဆံဖတ်ကလေးတွေပါလို့ စကာနဲ့ အရင်စစ်ပြီးမှ ကျောက်ကျောအိုးထဲထည့်ပါတယ်။ (အုန်းစိမ်းရေထည့်တော့ အုန်းနိူ့ကျောက်ကျောက တော်တော်လေးကို မွှေးပြီး အရသာလဲ ပိုရှိပါတယ်။ ရေနဲ့ ကျိုတာနဲ့ လုံးဝကိုမတူပါ။ အုန်းသီးအစိမ်းရှိလို့ ခွဲထည့်ရင် ပိုတောင်မွှေးပါသေးသဗျာ။ )  သကြား ၃၀၀ ဂရမ်ကိုလဲ အစကတည်းက တစ်ခါထဲထည့်ကျိုပါတယ်။


၁၅မိနစ် နာရီဝက်လောက်ကြာလို့ ကျောက်ကျောတွေ ကြေသွားပြီဆို အုန်းနို့ထည့်မွှေပြီး ဆားထည့်ပါတယ်။ ဆားကလဲ အရေးကြီးပါတယ်နော်။ အုန်းနိူ့ကျောက်ကျောက ဆားမပါရင်လဲ စားရတာ ပေါ့ရွှတ်ရွှတ်နဲ့ ဘာလိုနေမှန်း မသိတဲ့ အဖြစ်မျိုး ကြုံဖူးပါတယ်။ နောက်ပြီး ဒီနေရာမှာ အုန်းနိူ့အရသာကို မြည်းကြည့်ပြီး ကိုယ်က ချိုချိုလေးကြိုက်တယ်ဆို သကြားထပ်ထည့်နိူင်ပါတယ်။ ဆားကိုလဲ လိုတိုးပိုလျှော့ ကိုယ့်စိတ်ကြိုက်ထည့်နိူင်ပါတယ်။ အန်တီဆွိပြောတဲ့ အချိုးက ကိုယ့်စိတ်ကြိုက် ဖြစ်ချင်မှဖြစ်မှာကိုး။

 အုန်းနို့ရောပြီး ကျိုထားတာ ပွက်ပွက်ဆူလာရင် ကျောက်ကျောခဲမဲ့ ခွက်ထဲထည့်ပြီး ခဲထားနိူင်ပါပြီ။ ကျောက်ကျောခဲရင်လဲ သိပ်အထူကြီးဖြစ်အောင်မလုပ်ပဲ ၃စင်တီမီတာ၊ ၄ စင်တီမီတာလောက် အထူဆို အလှူတွေအတွက် အချိုပွဲမှာ အတော်ပါပဲ။ ရွှေရင်အေး၊ ပေါင်မုန့်အုန်းနို့ဆမ်းတို့မှာလည်း ထည့်စားနိူင်ပါတယ်။


 ကျောက်ကျောကျိုရတာ အင်မတန် လွယ်ကူပါတယ်။ ၂ထပ်လှလှလေးဖြစ်အောင်၊ အချိုအပေါ့ အလေး အနေတော်ဖြစ်အောင် အချိုးအဆ က သာ အရေးကြီးတာပါ။